賜我怵惕、惻隱之心之主，叩謝你一九三〇年膏立史公伊尹為校長、黃公韶本為校務主任，又教我公不忍一百六十萬民胞朝不保夕膝行倭刀口上，獻身香港防衞軍、英軍服務團抗賊，永垂不朽；二〇一九年，憲兵隊借屍新屋嶺扣留中心、勝利友還魂元朗鐵路站，槍林彈雨、刀光劍影重臨本港之際，叩謝你力保我校諸生一點仁心，不畏暴力與霸權，鼓起道德勇氣為難胞罷課、集會、爭公道。
賜我羞惡之心之主，叩謝你自小鍛煉曾德成學長飢渴慕義，而後降大任於斯人──六六年叫學長旁聽天星小輪加價騷亂調查聆訊、一九年叫學弟力爭《逃犯條例》修例風波獨立調查委員會；六六年叫學長不忿少年被捕被虐被打、一九年叫學弟痛斥警方濫捕濫告濫刑；六七年叫學長見證《緊急法》矯枉過正、一九年叫學弟恥與密謀惡法復辟啲姦臣為伍……當仁不讓於師兄。
賜我辭讓、是非之心之主，叩謝你假年鍾士元爵士過百，垂範五代香港人以進退雍容、明辨本末──八二年，新華社試探以「中国人民政治协商会议委员」一職，敬謝不敏道：「九七問題涉及中英兩國，將來兩國政府就此展開談判，難免有其秘密及策略。我既已成為英國政府首席香港華人顧問，若果再同時擔任中國政府嘅顧問，我認為將會有嚴重嘅角色衝突……既有角色衝突，就會失去中英兩國政府對我嘅信任，故此我認為我不適合接受邀請。」自由黨李鵬飛請教，誨人不倦曰：「你為香港做事，出事嗰陣時，你一定要企喺香港伊邊㗎！」有斐君子，斷無苟同「送中」苛政之理──是以爵士健在，林婦矯情拜壽；已而坏土未乾，鄭匪變臉亂法──叩謝主，鍾士元爵士身後興起聖保羅書院反修例關注組諸君，敢作「一國」諍友、敢為「兩制」衞士，續寫皇皇校史。
大衞嘅上帝、約伯嘅上帝，叩謝你寵愛一九年罷課後生勝卻一四年、八九年前輩，假座《明報》為其擺設筵席，惹其仇敵煽惑不明就裏之家長、舊生甚至外人電話電郵轟炸校務處，企圖中輟我校學生罷課鄭重其事、集會禮堂之傳統──然則天生四端於藍白健兒，桓魋其奈我何？家長打幾通電話、「善長」發幾封電郵，不廢主耶穌到聖保羅，聖保羅到史丹頓牧師，史丹頓牧師到史伊尹校長、黃韶本主任、鍾士元爵士，史伊尹校長、黃韶本主任、鍾士元爵士到反修例關注組，兩千年道統。
謹此跪請和平的君，日月之食期間，與全港學子同在；跪請萬軍之耶和華，垂聽各位同學訴求，及早為每名傷者、每名烈士伸冤，阿們。
聯署請移玉步至下址