（獨媒特約報導）媽媽晚上在中環遮打花園舉行集會，為年輕人及孩子打氣，超過8,000人參加。市民Thomas身穿黃色雨褸參與集會，指今晚的裝扮色是象徵「代梁烈士走下去」、「代佢見到今晚集會嘅場面，畀佢知道唔同年齡、唔同背景嘅人都支持我哋」，又重申抗爭者「一個都不能少」。
九十後的Thomas表示，參與集會是想了解上一代人對近來年輕人抗爭行動的看法。他指出，自己初時曾先入為主，以為上一代人大部份都是「藍絲」，及反對年輕人的暴力抗爭。但今晚一眾「大人」的發言，讓他明白上一代人無論如何都會支持年輕人。
Thomas又強調，不願意見到再有人犧牲，「留喺度，幫手上街又好，幫手喺Facebook或者討論區宣傳又好，都係一份力量」。他認為，如果再有人相繼犧牲，恐怕這場運動便會就此完結，「因為我哋都唔忍心見到再有人犧牲。就我自己立場，我寧願條惡法過咗，都唔想見到再有人輕生，因為生命係最重要」。
被問道有甚麼說話想對抗爭者說，Thomas指，運動開首的口號是「兄弟爬山，各有各做」，但他現在認為，「一個都不能少」是最重要。他又呼籲抗爭者量力而為，「如果已經留咗十幾個鐘，就唞吓，畀其他人做前線」，最重要是「執生、量力而為、be water」。
記者：陳康麒