正如 Sam （史上最 emotional 的 MC 和 translator)話齋：「呢鋪我擺明係想靠江記出名！」所以我要馬上上網過數，驚執輸。大家將會見到何式凝的 animated character 在「離騷幻覺」出現。江記話唔擔保會有 close up, 其實有個 long short 我都已經 okay ，千里尋夫或者哭崩長城, 我都冇所謂。以後每一天，我都會好熱切咁期待在和很多人一齊睇到呢條片在大銀幕上出現，無論要等幾耐。
我支持這三條仔的抗爭書寫。我支持由廿九幾歲走到今天的各位侄仔侄女的書寫。
離開發佈會時聽到有朋友說：呢條片咁 political, 又咁多 sexual 嘢，一定去唔到大陸! Hello, 就係唔 L 駛要大陸資金和不要再怕返唔到大陸，才搞這一場大龍鳳，就是要為香港動畫「仆出一條條街」，令到本地 artists 可以継續創作，才要搞到大家。
為什麼我們要靠出賣自己的靈魂才能生存下去？正如龜說：「世界唔應該係咁。」（佢個 speech 笑中有淚。好 good！）
《離騷幻覺－刺秦篇》係問：「尋生還是尋死，是終結還是超脱？」這是我們面對這個黑暗的時代必要面對的問題，想不到這三條仔這麼夠薑，真的嚇了三姑姐一跳。如果不能講刺秦，大家只能一生替秦皇找長生，不如投泪羅江好過。
江記說：「大家都要面對死亡，每一個人心裏都會問，是否有另一個國度的存在。」死亡讓我們不能不去想像，所以這條片的 aesthetics 就是紙紥公仔，就是陰間，香港有幾多條仔可以講得出一句咁嘅說話，憑他這個 point， 已經知道他真的是一位藝術家。（呢個 point 真係好得，怪不得找朗天，好啱數。）
對！即使在投江的那一刻，我們還是沒有放棄 humanity, 我們還是不能不去想像著另一個世界，尤如三位漫畫家，這就是我們的永恆，早已超越生死。