（獨媒特約報導）「反送中」運動，市民驚覺自己在區議會層面「被代表」，不少政治素人相繼投身社區工作。被視為「紅區」之一的觀塘，本來有不少勢將由建制派自動當選的選區，如今逐一被填滿，「月華」是其中之一，90後政治素人、女生梁凱晴的「觀塘願景」團隊已展開工作，「我哋100萬人、200萬人出嚟，政府都唔理，甚至有人輕生，（政府）都唔理市民訴求。如果市民想延續呢場運動，去爭取民主自由，可以做咩？我哋諗到，不如從社區出發，藉著社區服務，令自己嘅社區好啲，從而再團結返大家。」
社區組織「觀塘願景」成立於本年6月，90後觀塘街坊梁凱晴是成員之一，現正積極考慮出選「月華」。她指「觀塘願景」是受「反送中」運動所啟悟，希望能為社區工作注入新血，從地區開始改善民生，
梁凱晴表示，自己在秀茂坪長大，但由於已有其他民主派成員考慮出選秀茂坪的多個選區，所以她選擇「月華」這個白區，「想出選白區嘅原因，係想市民知道，你哋其實仲有得揀，並唔係得建制派」。
梁凱晴說，「觀塘願景」的籌備工作由6月頭開始醞釀，當時政府一直不理市民的「反送中」訴求，不少年輕人皆有參與抗爭行動，「有好多中學生、大學生義無反顧做呢樣嘢（示威行動），可能我自己開始老，未必可以衝到最前，咁用咩方式可以幫佢哋手、backup佢哋？我覺得可以喺社區開始，將聲音帶返入議會」。
「觀塘願景」由一群80、90後組成，7月開始投入社區工作。梁凱晴表示，擺街站時經常聽到居民反映區內設施不足，「例如庇護工場工友，佢哋會覺得娛樂設施唔足夠。月華得一個公園，而且公園設施都好舊，又因為有人餵雀，所以有鼠患、垃圾問題」。她又指，不少年輕居民向她表示觀塘區交通問顯嚴重，「例如東隧條路好塞」。明明觀塘正值重建，但交通問題卻一直沒有改善。梁凱晴說，當發現民生問題時，就會向現任民主派區議員反映，一同跟進。
現屆觀塘區議會有37席，當中有28席屬建制派。民主派在議會中處於弱勢，梁凱晴認為，區議會在建制派主導下，資源並沒有被適當運用。她以觀塘海濱的一億社區重點計劃音樂噴泉為例，以及擬建的貫穿東九龍、來往彩虹及油塘的高價行人設施，皆是不必要的工程項目，「係咪真係有呢個需要呢？有時可能係美其名帶動經濟，但當而家交通配套都未完善，你仲起咁多基建嘅話，係咪真係幫到居民需要？月華街坊都會同我講，『點解又改路、又封路？好似又起緊嘢，究竟做緊啲咩？』」。
除了資源運用不當外，梁凱晴認為，現任區議員甚少會向居民解釋區議會工作。她指很多居民都不太知道區議會「做緊咩」，「例如之前起噴水池，有無諮詢過居民意見？居民未必有深刻印象或資訊，去了解呢區發展成點。有人問過觀塘區議會建制派：『你嗰區居民對噴泉有咩意見？』，建制派答話『（居民）好支持、無意見』，但係咪真係做過諮詢？可能無。我落區嘅時候，聽到居民係有反對聲音，但呢啲聲音係咪有透過區議會反映出嚟？我覺得而家未必有咁嘅一回事。」甚至有年輕居民向她反映，指現任區議員經常「失蹤」，「（居民）甚至未見過現任區議員出嚟企街站」。
梁凱晴認為，區議會資源不應投資在大白象工程，而應該用在民生議題上，例如加建社區中心及無障礙設施，以針對區內人口老化的需要。然而，要改善民生問題，首先要打破建制派壟斷區議會的局面。梁凱晴認同，要改變建制派壟斷的局面有一定難度。建制派坐擁龐大資源，能夠安排很多平價甚至免費的活動給街坊。梁凱晴表示，這些活動都可能提供誘因，令街坊支持建制派。
她又表示，月華區有較多私樓，部份在任建制區議員與業主立案法團的關係較好，亦會有助於他們的宣傳。「觀塘願景」如要在私樓以海報等方式宣傳，先要經過業主立案法團的批准，梁凱晴相信這一點將會是她日後宣傳方面的一大「阻撓」。
除此之外，建制派議員於地區紮根十多年，而「觀塘願景」的政治素人落區只有短短數月，要於今年11月區選爭取市民支持亦非易事。但梁凱晴認為，於區選勝出與否並非重點，「我哋因『反送中』而出嚟。而家先落區畀人嘅感覺係比較遲，但唔緊要，因為我哋仲後生，有我哋嘅衝勁，呢樣係同現任建制派最大嘅相反，就係我哋有決心去做呢樣嘢（社區工作）。（區選）結果我覺得唔重要。今屆未必入到區議會，但最重要都係同全港市民講，我哋係好關注呢件事，同埋我哋後生仔會為社區繼續去抗爭」。
接下來，「觀塘願景」將會進行一系列社區工作，例如舉辦照顧認知障礙老人的講座、跟進升降機維修計劃、跟進因重建而成的地面凹陷情況、與鄰區區議員溝通，改善觀塘區的垃圾處理情況等。「（現在落區）會唔會太遲？我覺得未必，要睇返自己區嘅工作（進度），我覺得係有希望」。
梁凱晴強調，投身社區工作是承接「反送中」浪潮的一種抗爭方式，「點解想選白區，係因為想市民知道，你哋其實仲有得揀，唔係得建制。（區選）投票率未必係好高，尤其係觀塘呢邊，可能好多時啲人覺得無得揀，投嚟都無用啦。我哋素人落區，想講嘅就係一種公民意識，（除遊行示威外）用另一種方式去抗爭」。
「月華」現任區議員為建制派徐海山，2007年首次當選至今，去屆以2,403票，擊敗獨立候選人，獲1,098票的陳錦威。徐海山就讀香港中文大學時，曾與現任西貢區議員何民傑組莊競逐中大學生會，罕有地有兩支莊競逐（「綠野仙蹤對中大友莊」事件），其內閣被視為親中，最終落敗。陳錦威因為2014年雨傘運動，認識街坊工友服務處，參與2015年的區議會選舉，阻止建制派候選人當選。
記者：陳康麒
部分相片由受訪者提供