5201314是甚麼?
名校中學生: 「16分，可唔可以原校升中六?」
觀塘師奶: 「50幾蚊一包米，點食?」
小股民: 「X大師，我揸住隻941，$153買，跟住$140再買，前日$128再溝淡，而家個市咁，點算? 好唔好專隻945?」
貨櫃車司機: 「油價去到US$140，油稅又無得減，我要抗議!!」
雞販: 「政府要殺雞?!每隻$60!」
舊樓苦業主: 「天價維修，每戶要畀$40,000，混帳!」
中環港女: 「條腰22吋，修唔夠添。」
將軍澳阿伯: 「求求政府，生果金可唔可以加到$1,000? 我真係唔夠食呀…」
屋邨大學生: 「畢業之後份工得$8,000，仲欠政府$180,000，有排還…」
東涌新樓中產: 「就嚟又加息，每月要畀多$400，老公….慳D駛呀。」
某位民主派議員心裡想: 「坡妹旋有20幾餅一個月，我只得6餅，哼!」
每日週遭就是給這些數字圍繞著每個人的生活，但昨天，一位愛得痴纏的少女就從天而降，捨棄自己寶貴的生命，給了我們另一串悲劇的數字…… 5201314(我愛你一生一世)。
已故填詞人林振強曾經說過:「 最戇居的水上活動，就是一個人跌進愛河。」，「要做過快樂人，並不須要天天都有愛情，也不須要每天都有麵包，但一定須要每天都有大便。」