去泰國揼個骨六百蚊，去首爾睇韓星都係幾千，再玩轉東京都係二千幾，近年搭飛機仲平過睇演唱會，環遊世界不是夢，廉價航空近年冒起極快，不難怪。我搭的士去沙頭角幾百蚊，搭巴士去同一個地方幾十蚊，當然是選巴士吧！可是，撲平飛又是一門技巧，平嘢抵嘢梗係多人爭，因此，鬥快撲飛是你成功以最抵價格旅行的第一步。很多公司都是採取先到先得方法，既公平又實際。不過，前幾日就有場極無謂的搶平飛大比拼。
國泰的fanfares一向都是中低價機票的熱門搶購地方，事關它每星期二都會推出優惠，而早前的星期二更推出了震撼全城的一百蚊機票，更可以坐商務客位，可是，「蛤蜊」在前，吃不吃到才是問題。震撼全城的優惠，連反應都震撼全城，事關清一色都鬧爆今次的賣飛手法，鬥快？抽籤？唔知，乜都唔知。有人好快買到，有人呆等了整個朝早，甚至不斷無了期地按F5鍵，希望上天恩賜……不是被害妄想症，但如果說國泰高層正在掩住半邊嘴笑，也是人之常情。
「最不公平，就是沒有公平的標準」，有人買到，大部份人買不到，機制不透明，只有望天打卦，不甘化成怨恨，國泰個名又給不知是公關還是市場部整臭了。人們就是討厭這種模糊的不公，這個道理放諸各處皆準，特首僭建沒事沒幹、警方數字隨心所欲亂噏廿四沒問題、港鐵車死狗唔使負責……。如果是絕對的不公平，我還出師有名、反抗有理，但偏偏當道的都不是真小人，而是偽君子。
轉載自《新報》