如果你曾經係屋企上過成人用品網站或者直頭行過上有關嘅樓上鋪，你唔難發現除左安全套同電動陽具之外最多既應該就係制服。唔同動漫節果種ＣＯＳＰＬＡＹ扮動漫人物，成人用品鋪上既制服好多都係護士、警察、空姐、ＯＬ之類。就算男人口裡說不，但如果有一個女朋友願意同佢係夜深時份係床上玩制服誘惑，我相信天下間冇邊幾個男人會拒絕，就算一套明明用料好差但賣成五六百蚊一套都好，只要女朋友肯著的話男人點都會盡快搵一套返黎。到底一套制服點解可以挑起男性咁大既性興奮？
護士同空姐都係由女性為主既工種，特別係有關既宣傳同廣告仲有電影等等都會搵最靚果班去做返個角色既影響下我地都會將護士空姐依類工種同靚女掛勾，加上平時可以接觸到佢地都只有係醫院同飛機之上，佢地嘅神秘感就只會有增無減。當一位著住相同制服既女性瞓係張床等你去寵幸，男性好自然會當左佢地係真既護士或者空姐，內心果種控制同擁有既慾望自自然然會燃燒起黎。同樣係一位靚女，當佢著住一套護士服同裝修技工制服既時候我相信你會更喜歡佢果身白衣天使既打扮。
另外幾種好受男性歡迎既打扮就係女學生、女教師、女警察。其實對女學生女教師有情意結係好正常既事，一黎中學時期正正係我地踏入青春期既階段，對異性同性都會產生好奇，而身邊既同學仲有老師就係我地接觸得最多既異性。每個人係求學階段都會有過暗戀，對像通常係同學；而好多人既初戀又係學生果陣發生，咁女朋友自自然然又係個學生妹。正所謂「初戀無限美」，再加上學生妹代表住年輕，我相信除左私煙著校服係會有反效果之外，又有邊個男人會唔鍾意？而女教師同警察多少都同男人鍾意征服有關，教師係學生時期係學生們既「阿頭」，而警察就係代表住執法者。兩者都係一種權力既代表，如果可以將佢地壓倒於床上就會有一種成就感。女性覺得咁好無謂咩？試想下如果吳尊金城武甘願拜倒係你石榴裙下，我諗大約就係同一種心情。
除此之外，制服誘惑最吸引既就係有一種新鮮感。就算你女朋友身材如何一絕都好，同一副裸體見得多心中既話激情或多或少都會減弱。若果突然見到女朋友著住一套水手服的話，就算係同一個人都好你都會有煥然一新既感覺，依一點同女性想男朋友係一段戀情當中不斷保持有特別驚喜係一樣道理。雖然性一向有住佢嘅吸引力，但如何係性當中再玩下花款去保持當中既新鮮感，亦不失為一對情侶嘅情趣。
一個讚好，是對我的一點支持。
如果想分享給其他朋友的話，請標明出處並附上專頁網址。
http://www.facebook.com/MaoYanDe