香港地想買樓難，因為分分鐘講緊幾百萬。但連睇場表演都同樣唔易。
一票難求，熱門演唱會飛一票難求，你有幾多個F5掣都唔夠黃牛一早hold起曬咁快。
近期黃子華既飛同佢本人一樣，係一個傳說，唔係我地呢啲平凡人接觸得到。
股票同樓同飛一樣，只要有需要，就會有得炒。
所以子華神好多年前就已經提大家，仲炒飛？如果你當年聽話買定好多骨灰龕位，今日仲點會買唔到飛？
你大可以走去同啲黃牛黨講：「你想點死？如果你唔想棄屍荒野，就攞啲飛黎換骨灰龕位。」
實名制既問題，係香港表演者撈唔惦。
除咗子華神，五月天，張敬軒，香港有幾多表演者係靠觀眾搵食？大部份要搞成個表演，就要指望贊助商。
咁贊助商點解要贊助你？你唔俾佢hold住啲飛，又講唔過去喎？
所以香港要行既，其實唔係實名制，係以物易物制。
一百手一百毛既股份，換兩張紅館飛，或者換一個骨灰龕位。咁先可以杜絕黃牛黨。
人人既需要都唔同，你死得未？你未死得，就拿拿林去生人霸死地，然後再攞啲死地去換你生活中想要既野。
到你要死既時候，咪再攞番張黃子華飛出黎換個骨灰龕位囉！