我:「問你服唔服!」
友人:「點解我要服? 」
我:「大前晚，有班香港人去元朗垃圾站同葵涌路邊執啲過期意大利食品，污糟不特止，隔離仲有豬屍，佢地仲好興奮咁塞爆屋企個雪櫃，再影相開心share，驚死無人知! 問你服未?」
友人:「今次真係唔慌唔『伏』…… 」
8月22日晚上，有網民於社交網站發佈消息，指於葵涌葵裕街路邊及元朗公庵路垃圾站發現大量急凍食品，呼籲有需要人士前往拿取，合共300箱過期原隻急凍火腿、帕爾馬火腿片、水牛芝士和乳酪等奶類製品，連同多條豬屍及無數垃圾「任人拎」。意想不到的是，竟然有市民真的前往「尋寶」，有人更即場試食及搬回家中塞滿雪櫃，更聲言可以轉送和分享這批過期食品，真有孔融讓梨之風，何其大方!
我不明白為甚麼要「呼籲」去執垃圾，更不明白為甚麼有香港人果真響應「呼籲」，一窩蜂去執垃圾，甚至食垃圾? 是飲鉛水飲壞腦，還是真要反智到這個地步，奮力要將香港變成世界焦點，那邊箱剛鬧出「胸部襲警」的笑話，貽笑大方 ; 這邊箱還要來「爭食垃圾」，荒誕絕倫，嫌香港還未出夠醜嗎? 嫌香港笑柄未夠多嗎? 嫌香港死得未夠快嗎?
有位網民有一句很精警，級數比得上毛語錄:「只要食物冇發臭同變酸，我唔覺得有乜問題……」，根據這個邏輯，很多事也許就無關重要，例如:
1. 「只要鉛水冇污糟同變味，我唔覺得有乜問題……」
2. 「只要天津啲菜冇變壞同變色，我唔覺得有乜問題……」
3. 「只要化學品冇爆炸同傷害，就算近民居，我唔覺得有乜問題……」
4. 「只要水貨客冇殺人同放火，我唔覺得有乜問題……」
5. 「只要警察冇行賄同受賄，就算暗角打人，我唔覺得有乜問題……」
6. 「只要亞視冇執笠同虛報，就算欠薪，我唔覺得有乜問題……」
7. 「只要香港冇負資產同股災，就算樓價幾高，我唔覺得有乜問題……」
這種邏輯，我大概一輩子也看不透。我只想問:「香港人，幾時開始要食垃圾咁折墮?」