（獨媒特約報導）香港音樂界不乏有抱負的音樂創作人，但是往往與唱片公司的商業理念背道而馳，因而被冷落。創作歌手迪子從小開始學琴，其後組成樂隊「1DOUBLE3」，並於2011年以創作歌手出道，但其後因與唱片公司合作理念不同，而成為獨立音樂創作人。
「獨立發展，其實好多嘢都要慳住用。」缺乏唱片公司的財政支援，創作音樂愈來愈困難。迪子說：「做呢一行，其實好消磨意志，宜家淨返嗰團火，全靠我身邊嘅朋友支持。本身只喺想隨便整一首歌就算，因為真係冇成本。」迪子慶幸得到朋友支持，「我想用真樂器個陣，朋友真係無條件、奮不顧身幫我」，「身邊嘅人咁幫得手，如果宜家放棄，真喺好對佢哋唔住，所以自己想努力做好每件工作。」
離開唱片公司 實踐理念
離開唱片公司，迪子認為是正確的決定。「自己嘅理念後期同唱片公司有違背，覺得做一首歌係為咗滿足佢哋，而唔係我想講啲信息比大家。件事變得好扭曲，本身聽眾點解選擇聽創作人，係因為作品好『係佢』（有代表性），但宜家變咗要滿足公司。」迪子透露身邊很多沒有公司支持的音樂人或歌手，很多時因為沒有資金而放棄發展。她坦言，其實有考慮不再繼續在幕前打滾，只做幕後音樂創作：「我做幕前真係好浪費錢，首先因為我唔紅，而且做歌又要成本，唔可以下下叫朋友幫忙。」
從前，有唱片公司支持的迪子常常被問作品可否賺錢，「往往太商業化，只會令件事好老土，好有框架，冇人會鐘意睇」，那時她向公司提議的創作方向，往往到最後無疾而終。「我唔想再咁樣，我想做啲嘢係有意義，懶理嗰樣嘢會唔會好hit。」她只想靠自己的努力，貢獻社會，為香港「做返啲嘢」。
迪子現時靠教琴、彈奏維持收入，亦不時往內地作演奏，賺取創作音樂的成本。有很多人會說她的想法很愚蠢，不能改變整個音樂生態及文化生態，但她強調：「如果宜家停哂，唔堅持，香港嘅音樂生態一定冇得改變。」
迪子創作音樂時會躲於自己的房間，「做一個好rough嘅demo再填埋詞，然後過咗幾日再重覆聽。如果聽過幾次，都仲好有感覺，就會比監製去製作。而幫手監製同揀歌嘅，都係一啲聽開歌，熟悉音樂嘅人。有別於以往唱片公司只係由唔係玩開音樂嘅同事去做，成件事變得健康咗。」迪子說現在她的音樂都是由一班音樂朋友幫忙挑選和製作，都是音樂人誠意推介的。例如迪子的音樂監製Ahbert（Supper Moment的琴手）對音樂很執著，他希望用真樂器去演繹作品，若不能以真樂器製作，「寧願唔做」。
圖：右為《一個女助手的故事》導演吳詠珊。
參與微電影 推廣本地創意
迪子想把自己的想法，透過作品傳遞予聽眾。近期，迪子參與由香港互動市務商會（HKAIM）主辦、「創意香港」（CreateHK）贊助的微電影「創＋作」支援計劃（音樂篇），為《一個女助手的故事》創作背景歌曲《回憶氣味》。「其實，香港仲有好多創意架！希望多啲人留意。」，「希望我哋做緊嘅野有人知，如果唔係拍咗啲有質素嘅作品，最後會冇人留意。」
訪問過程中，迪子不斷強調希望一些有想法的獨立作品能夠讓更多人知道，「香港真係冇咩平台比大家發揮。」《一個女助手的故事》導演吳詠珊表示：「業界好少有類似嘅比賽，去做音樂人同導演之間嘅橋樑，而且又會提供少許資金作贊助。」迪子希望政府協助推動香港文化產業，「其他國家嘅政府好支持創意文化，透過資金贊助及協助推廣，可令外地了解香港。例如韓國就係因為政府資助同鼓勵，比外國人對韓國有一個好夢幻嘅感覺，從而吸引外國人鐘意韓國，帶動其他行業嘅發展。」吳詠珊說：「『創＋作』嘅出現係因為香港嚟嚟去都係得個幾個導演同角色，全部都係好standard，好流水作業。今次嘅計劃一來比導演同音樂人有發揮嘅空間，令我哋可以推廣香港影視業，令觀眾了解業界發展，擴闊視野，唔會只係睇到個幾個MV或作品。」
除了期待自己有份參與的微電影外，迪子更加期待其他製作公司的作品，「因為呢個計劃唔洗做到好商業，只係純粹想帶動『香港文化』。我最唔鐘意呢一行，就係只局限某幾間公司玩哂成個遊戲，其他人冇得參與。當多咗人知道同參與呢類型嘅平台，就可以話比啲公司知道，唔係得佢地玩哂。香港文化產業衰落，就係因為香港人覺得自己『冇得揀』。」迪子認為香港人以為自己沒有選擇，但其實只是沒有途徑知道自己有選擇：「冇平台展示自己嘅想法，就不如製造屬於自己嘅平台。」
迪子和吳詠珊透露今次合作的微電影會以回憶中的氣味作題材，靈感來自身邊很多人往往透過一些氣味，勾起回憶。「創＋作」的宣傳活動如影展巡禮和電視宣傳片會於二月尾開始，作品會在三月發表。
Hair : RentonHong @ llcoplo
Makeup : PinkyKu
Wardrobe：Wardrobek
Photos：Benjamin Lai WP