圖：Red House成員 上左：祺；上右：軒；下左：Nick；下右：Keith
（獨媒特約報導）街頭音樂 Busking 於香港早已不陌生，每當熟悉的旋律徘徊於大街鬧市中，途人都紛紛停下來尋找該旋律的源頭。有時候會認為表演者在聒噪中，唱出共鳴；有時候又會認為表演者也不外如是，因為原唱者已有一定地位，翻唱者很難取悅聽眾。街頭音樂 Busking 大多為翻唱歌曲，因此聽眾往往會擁有比較的心態或者早已聽膩歌曲，因此有勇氣到街頭上表演耳熟能詳的歌曲，實屬難事。Red House是一隊流連於銅鑼灣和尖東海傍的 Busking 樂隊，每逢週末Red House就帶同樂器和音響到街頭唱歌。
「Red house 係我地冇啦啦諗出黎既，因為我地想唱到去紅館。」主音 Keith 笑言。Nick 負責木箱鼓（西班牙語：cajón），與其他成員有別，他本是Red House支持者，後期才再加入Red House。Red House 暫時以翻唱廣東話歌和國語歌為主，未有原創作品。主音 Keith 認為組成 Red House 只為快樂，他從小喜歡唱歌，於大學亦參加過不少歌唱比賽，並屢獲冠軍。畢業後，不想生活只限於工作，想於工作以外的時間，培養個人喜好，因此大膽現身街頭演唱。鼓手Nick又言：「我地一啲都唔 Chur，只為興趣。」軒是樂隊內的結他手兼和音，除了Red House，他亦有參與其他樂隊，他補充：「同其他搖滾樂隊唔一樣，Red House想唱咩歌就練咩歌。」
昔日新秀歌唱比賽亞軍 今日走到街頭
主音 Keith 其實是07年英皇新秀歌唱比賽亞軍，當時公司於比賽後立即跟他簽了十年的長約，他確是十分開心，因認為是夢想的開始。可是，於09年，唱片公司跟Keith解約，因為一直都沒有實際的音樂工作，只被委派任當時英皇娛樂台的節目主持，與較紅的明星玩遊戲等等。當時Keith 與公司都有所共識，認為這樣下去只是浪費彼此的時間，所以決定離開。後來，於中大歌唱比賽獲勝，有不少唱片公司主動聯絡他，但最後都亦音訊全無。
有勇氣到街上Busking，就要正面面對觀眾的反應。幸好，肯為Red House駐步的觀眾也不少。Keith說於尖東海傍Busking平均都有七十至八十人，在銅鑼灣反應好則會過百，但亦經常突然沒有觀眾，此情況早已預料亦不介意。「有聽眾會在Facebook Inbox我地話欣賞我地追求夢想。有時唱到失聲就會送喉糖比我食」、「聖誕節有試過收聖誕卡，又有人整牌支持我地」，成員們表示當有人支持他們出來，就很快樂。Nick 又說：「若果有人錄左我地唱歌再Post 去網上，再Hashtag我地，我地仲開心，感覺好Warm。」
快樂來源是什麼？
Red House四子圴有一份相當穩定的正職，但有別於一般打工仔只會埋頭苦幹幹活，他們樂於分配大量空餘時間練歌。他們的快樂來源是什麼？
軒：「來自結他。我由中四開始夾Band，夾咗8年。我鐘意彈結他，鐘意有唔同style 。所以宜家有兩隊樂隊好開心，Red house 唔洗創作，只喺彈cover。我兩隊band style 都好唔同。我諗到我入棺材結他都會跟住響身。」
Nick:「我之前讀大學到日本名古屋exchange，讀書環境係啲鄉下地方。個陣冇野做，就試下學結他。之後再去自學木箱鼓。宜家響條街玩歌，冇特登搵朋友黎過，反而只係用自己既音樂，引人出黎聽，最開心係有成就感、滿足感。」
Keith :「由細到大都想做歌手，想做明星，真係超級想。09年中大中唱冠軍，11年亦攞左冠軍。之後入咗英皇，再解約，個陣諗，不如算數啦，都係懷才不遇。宜家開心係可以自己製造一個平合比自己出黎唱歌。」
祺：「快樂，就係做自己鐘意做嘅野，自己本身鐘意玩音樂，就出黎玩音樂。」