年卅晚係個喜氣洋洋嘅日子，可以同親戚朋友食團年飯，聚一聚。不過，這些機會不是屬於一班無家者。
呢一晚我俾朋友召喚，去大學Pack飯俾深水埗無家者。根據自己所知，過去幾年媒體報導過「平等分享行動」、北河燒臘飯店明哥等等之後，唔少教會、學校等等團體都有加入派飯行列，所以我落深水埗之前，大膽假設喺大時大節佢地都會有飯食。但事與願違，一問之下，原來一班無家者仍然餓住肚，有人甚至抱怨話餓住過年好可憐。
我知，深水埗住咗一班無家者係「呀媽係女人」，人人都知嘅事。一句「係咁架啦，派得幾多次飯姐?！」，就可以否定派飯行動。但係呢晚原是慶祝，點解呢個地方有人可以大魚大肉，有人食餐飽飯都係奢侈?
祝願出年人人有飽飯食。