iPhone今次沿用上一代iPhone 6的外型，雖然新出綱琴黑，打斷2年一新設計的慣例。其實絕大部份人都會買套，家陣外型不變，用返而家部6 或者6s 都唔差。
要影靚相或者要自拍拍都靚，最重要係要有靚的人。其實iPhone 6的鏡頭本身已經影到4K的相，甚至要晒banner都無問題，問題只在於影相apps。（要安裝特別的Apps先有4K效果，原裝功能唔得架）至於要影到不同景深，點解唔買架靚相機？其實景深層次再高，班港女都唔會靚咗。
關於立體聲系統，其實如果你唔用耳筒，大大聲咁表現iPhone 7的好音質，係會俾旁人側目的。而且立體聲其實有空間的規限性，閣下必需要正面面向iPhone才有最佳音質，所以我不明白立體在iPhone的作用有多大。（而且大部份有公德心的用家係會用耳筒的）
取消TRS connector(3.5mm)的耳筒插頭其實有兩個革命性的原因，第一是將聲音輸出數碼化，減少銅線使失真的影響。第二是令手機更薄，因為現時手機的厚度已非常接近3.5mm插頭的必需厚度。問題係iPhone 7同iPhone 6的厚度完全一模一樣，至於數碼輸出，其實藍芽本出已經係一種數碼輸出，所以Apple今次的確係單憑勇氣取消3.5mm的插頭。
再強的硬件都需要軟件配合，所以iPhone 7發佈的重點其實係iOS 10，不過iPhone 6都可以配搭iOS 10啦，點解要用iPhone 7？