當你係預告片見到Jennifer Lawrence, Bradley Cooper, Robert De Niro三個大名，然後再加上大導David O. Russell，你就會自然期待三度合作的火花。縱使前作American Hustle頗爛，見如斯星光熠熠，恐怕都唔會有咩問題。
然後，我錯了，呢套片再再顯示到David O. Russell講故仔的能力差到貼地，但又非一文不值嘅…所以下文彈居多讚居少。
（劇透開始）
開始故事是一段混亂的開場白。刻意強調著每一段母女關係，鏡頭亦緊跟貼每個角色身上，直到落在Grandmother Mimi。呢段開場白雖然稍老土，但不失能製造一個大環境令觀眾明白人物關係，特別係介紹到Mimi的時候所有混亂都一理而通，亦表明了Mimi的調皮。去到Joy的紙屋處，由Mimi身份的介紹來得更細膩，這種上帝視角使得我們認同Joy係一個有天份的小孩，佢的創意使紙世界邊疆遼闊，白雪雪的紙再加上鏡頭濾鏡亦能代表到童心。簡單的構圖，簡單的分鏡又將Joy係現實的混亂與無力感放到電視肥皂劇裡。氣氛的強烈對比Russell係做得唔錯，手法老土但穩打穩紮。
但隨後，問題就多。Russell描寫角色關係，及開支線的能力係好惡劣，呢部份係前作American Hustle表露無遺。正當你以為Joy唔似前作有咁多巨星，Russell偏偏今次係每個芝麻綠豆角色都落墨，每段關係講啲，每樣感情提一提，結果係所有野，所有野都唔清晰，完全唔深刻，最後表達到的只係無野。
故事一開始落墨的有：母親自困在房、狂燥老豆被退貨、父母關係不良、老豆前夫有磨擦、祖母年紀大難照顧細路、姐妹不和。以上的所有只為塑造Joy是獨立的強人，然後崩潰，然後又只得朋友Jackie。基本上，上述所有都唔會再提及。就算唔談論強行加設又毫不解釋的設定，有幾點都唔統一。
例如老豆形象狂燥難相處導致兩次與女伴分離，但打從遇上Trudy，狂燥性格頓然全失，溫文爾雅，談吐正常，對過去無任何連貫性。
第二個無連貫性的是前夫Tony，前夫已經沒有什麼性格可言，只有其事業以及對音樂的態度較清晰，但最後何以態度轉變為積極協助Joy，甚至成為Joy左右手，導演是連含糊帶過都沒有。上一幕前夫婦的互動是在船上，Joy一人清理玻璃碎，流血時亦不見各人有任何關心；下一幕因為親戚討厭Joy，所以因同情協助並放棄自己事業？完全講唔過去。丁點關於Tony的心態都沒有提及，直接就將一名角色轉型。
劇情不合理是第二大問題，先不計先前Joy船上經歷、QVC職員完全不理解產品上電視、工廠廁所找到通道這類不合理。Joy被人質疑經驗，共有三次。第一次是Trudy的三條問題，Joy答完都表示唔明問題所意，依舊成功。第二、三次是來自Neil(Bradley Cooper), 及達拉斯的Bartholomew，兩者何其相似地拋自己的經驗，再諷刺Joy連眼前的人都未知邊個，而原來Joy都真係唔使知佢地係邊個，有咩講咩、淨講自己野、咩都聽唔到，對手就會自動跪低。
然而，最令我不適的是結局。結局首先說明老豆繼續與Joy爭公司，但由於除了提及過老豆家姐有新發明想自組公司外，老豆與Joy一直沒有相當的磨擦。相反，似是Joy會記恨於父，多於後者，但由於需要過度強調Joy係受害者角色，Russell塑造到不理前事，臨尾人人衰。
而講到Joy已經做咗成功人士，有間大過QVC的公司，有對窮夫婦上門推介自己發明時，Joy為他們訂高級酒店及聲明自己身處過對方位置，明白他們的感受。但箇中溝通薄弱，只是證明到Joy有錢外，所謂明白感受流於表面，失去了大好機會去展示Joy的成長。及後Neil到來向Joy講商業機密，Joy的回應只是一句Thank you，令人完全對這段對話的存在摸不著頭腦，Neil與Joy的所謂朋友同樣亦流於表面，連表情的交流都欠奉。
當然如斯的塑造可能都為強調Joy的獨立，所以處處著眼其辛酸處。可惜劇中只能顯示到Joy隻身孤影，雖然偶有前夫、女兒與姐妹Jackie的幫忙，主體仍然是自己一人獨力經營。最大問題是顯示不了Joy有任何成長，即使在片尾放低兒時紙屋都失卻拋低過去的意味，由於片中沒甚細節、強行人物轉型、含糊推進劇情、情節不合理，因此傳達不了劇的任何訊息，再一次製造了我對Russell的失望。
p.s.1 我刻意強調問題係Russell身上，係因為故仔大致都係佢作出來，包括Joy無讀大學，電視阿媽、衰家姐、奇怪高層Neil。在此quote ‘Jennifer Lawrence recently told TIME that the movie is only 50% inspired by Mangano. The other half, Lawrence says, comes from “David’s imagination and different daring women that have inspired him.”’
Link: http://time.com/4161779/joy-movie-accuracy-fact-check/
p.s.2 Jennifer Lawrence剛奪得今屆金球獎最佳演出–音樂及喜劇類女主角，對此我係感到欣喜的，雖然其餘四位女角的演出我都無睇到，但確實Jennifer Lawrence稍稍突破自己框框，做一個唔顛及無喜劇成份的角色，全然悲慘及可憐，演出有說服力的。
p.s.3 and f.y.i 今屆金球獎的分類真係有趣，音樂及喜劇類的男女主得主電影- Joy及The Martian都唔太搵到喜劇成份,或者應該話唔似同屆如Trainwreck, Spy等。不過亦據說如The Martian，二十世紀霍士刻意報音樂及喜劇類是為了避大型劇情片如The Revenent(都係霍士發行)，只希望下屆唔會再有呢類情況而埋沒值得表揚的正片。