香港地有一個好得意的現象，就是啲嘢貴到離晒譜都有人畀錢買，衣食住行，樣樣皆是。相信好多人都經歷過，喺花園街賣$100的鞋，同一對鞋放在加老威的商店賣$1,000，而最重要係真係有人買，認真百貨應百客。原來呢一個係經濟學的心理現象，叫Veblen Effect（凡勃倫效應），即是售價定得越高，就越受消費者青睞。不難明白，除了因為「貴嘢就係好」的心態外，更可以滿足到消費者追求名貴、高尚的精神需要，為之「感性消費」。名牌子定價高就是好例子，可以替品牌建立高人一等的形象。你話一件Tee裇成幾千蚊，除了貴之外，有甚麼意義？就好像「它的價值，有一部份就是來自它的價格」一樣。
而繼早前有酒店推出$128的餐蛋飯後，一間在金鐘的連鎖快餐店最近亦推出了一個$108的鰻魚飯套餐。相比起$128的餐蛋飯，$108的鰻魚飯好似頗合理。但快餐店是沒有service，更沒有environment囉，那豈有裝高尚的理由呢？租金昂貴是原因，但獅子開大口亦是事實。
難聽點說，就好像檳榔西施收「私鐘」的價錢，沒有服務，當然啦，是「自助式快餐」嘛；沒有環境，也正是就地開餐，那剩下的只有「高貴」的價錢。
不過，傳說中的鰻魚飯已經下了架，幸好還有其他高價日式系列，可以讓大家一同實踐經濟理論。大家只要畀88蚊，就可以一嘗有獨特銅臭味的東瀛特產－吉列豬扒飯了。
轉載自新報