近日主流媒體都緊貼特首跑馬仔：究竟有邊個會參選？邊個會被勸退？邊個有黑材料？邊個挺邊個？下任特首班子又會唔會有林D9？其實呢d新聞同我們既關係係點既呢？會唔會熱就熱鬧，但其實無味？今次有份選特首既選委會，人數雖然由八百增加到千二個，相比起七百萬香港市民，千二個的選委代表性究竟有多大呢？究竟邊個有權選呢千二人去代表各界選來屆既特首？
今個七月份，其中一個選委風波爆發，就係基督教協進會打算以「協商」取代「教內普選」，希望藉此推舉出十名選委選特首。事件曝光後，協進會急急否認，並迅速地在消息被傳媒廣泛報導後同日話繼續全以「教內普選」形式選出選委。後來，協進會原初提出這個有三四十萬基督徒選民的選委選舉將於十一月中進行，但之後又話政府要佢地在十月三十號完成。究竟這個選民人數眾多的特首選委推舉界別所說的「教內普選」，係咩葫蘆賣咩野藥？
本短片由 inmediahk.net 製作，以 Creative Commons「共享創意」授權 - 引用出處及非商業性。公民獨立影像製作，需要大家的支持，請捐款支持「獨立媒體（香港）」 http://inmediahk.org/support-us/ 。