"一提起交稅就有街坊話想死"，呢句唔係富蘭克林講，係小燦話既。
以下 [1] 至 [3] 是政府收入不穩定的原因 ; [4] onwards : 關於擴闊稅基。大部分觀點大家呢個星期睇報紙都見過。小燦只是綜合部分自己覺得較值得綜合的，趁今日在香港有點時間又手痕，摘錄下來。
1. 稅基越來越窄 -
1.1- 整體社會收入越來越集中在一小撮市民/公司上。原因 -
1.1.1 --- 人口老化；呢樣係惡搞，唯有一 d 如乜乜財務乜乜師學會，各會計師公會等比較中立既團體，加強教育年青一代及早學識，除強積金外，長遠的理財規劃。 照顧長者的 burden，除靠相對年青納稅人攤分外，更需提高政府財政儲備回報來幫補。
1.1.2
--- 越來越多市民/公司的收入源自內地。契機 :
內地既然稅率遠比香港高，稅種又多，執法趨嚴，透明度又低，香港政府不妨從中、港、澳三地避免雙重徵稅的協議中想辦法，令中 / 港 / 澳 /
外資企業盡量把它們的利潤轉移去香港；即是令它們盡量把利潤交香港稅，減少交內地稅。同時 [ 已做緊
]，中、港、澳三地的稅務部門可加強互換納稅人資料，使各企業如何利用三地稅務漏洞及各種利潤轉移手段避稅的方法無所遁形。
1.1.3
--- 比得起高稅率既市民太少 : 呢方面可以歸咎於就業市場錯配。今朝聽到有聽眾打去香港電台 RTHK 1 "星期六問責"
節目同馬時亨講，現在政府撥比幼兒和小學之基礎教育經費 vs
撥比大專既經費的比例，與歐美各已發展國家比過低。基礎築得不好，到大學至黎執番正已太遲。人口素質差就係因太遲執正。人口素質低，有本事抓高收入，交多
d 稅既人自然少。呢樣小燦十分同意。
2. 政府怕推低樓價，不敢定期賣地，又拖住大堆補地價申請[信報昨日社評有講]。
政府直接同間接收入 [ 包括賣地、補地價、地租、差餉、物業稅、各大小業主既利得稅 ... ]
仍有過半與地價掛勾，政府有無計過若恢復定期賣地，整體地價或會如佢所料下跌，但賣多幾公頃地既收入是否真係補唔番其他稅收因整體地價下跌而縮水 ?
...