「普選」變「抱孫」報道出街後，不少巿民都從不同的渠道得到有關訊息，還一同加入「玩野」行列。話說有個民主小家庭，一家四口在年三十晚到支記單位寫左幾張「平反六四」、「民主萬歲」等等的揮春，在檔口睇場的李卓人，見他們這麼熱心，又口多多地「煽風點火」，叫小家庭到民建聯寫張「早日普選」。點知小弟弟隨手掏出一張有民建聯o麥頭的「早日普選」揮春，還歡天喜地告訴華叔﹕「係曾鈺成寫的，佢仲問我係唔係睇左蘋果先來找他寫，哈哈﹗哎呀﹗頭先唔記得叫佢簽埋個名，留下「證據」添﹗」
「抱孫」事件反應良好，友人維尼決定再度添食，在年宵收檔前再闖民建聯攤位，請立法會議員蔡素玉為她寫句「名左實右」，點知蔡小姐好奇地反問維尼，點解要寫這句話(民建聯的朋友的確很講究「意義」﹗)，維尼當然有備而來，告訴蔡小姐在大陸聽人講「打左燈、向右轉」很有趣，故希望請蔡小姐這位有意思的人物寫下這句有意思的話。誰知一位民建聯的義工大叔搭咀，居然問維尼﹕「係唔係即係《向左走、向右走》咁解呀？」真係………(滴汗﹗)
text/html