打開Email，看見徐立之send出來的mass email，說李嘉誠基金捐了十億元給港大。我覺得，這十億元應該留作實際用途。早前以削資為由，cut了不少faculty的budget，現在是否應該作出適當的安排呢？徐校長呀徐校長，你地班高層覺得最無用的文學院，永遠是首當其衝的受害者，唔畀我地請full time lecturers。你地想證明咩野呀？係徐立之親口講自己的目標是要令香港大學的世界排名成為top 25，咁你又知唔知道香港大學文學院在世界人文學科的排行是29，是很有機會做到所謂top 25的目標，但係大學又一而再，再而三咁壓迫文學院，是否背道而馳呢？
大學常常說要用25億做Millenium Plan，搞西移，你有咁多錢不如落返d實際層面，撥款予弱勢faculty，例如文學院和社會科學院，是否更合符長遠利益呢？如果你大大筆使d無謂錢，不如實際d，改善下Computer Centre，唔好每到paper高峰期，同學就無電腦用。有咁多錢，不如畀下department出書。《沙巴翁的城市漫遊》的介紹永遠是說由香港大學比較文學系副教授張美君博士和一群香港大學比較文學系的研究生、學生自資出版。不是很諷刺嗎？比較文學系的師生想出一本書都無辦法用department 錢去出，而要自資，但係大學又常常好大喜功，把錢花在不知甚麼地方，做甚麼歡迎奧運選手，大搞甚麼Global Lounge。如果你真係想聚班international student，你唔係去搞個所謂Grand的Global Lounge，不如在campus加設兩個Smoking Area更加make sense。
明德格物。大學的高層們，你們這樣，明甚麼德，格甚麼物？