律政司就終審法院常任法官包致金姪女、港交所主席夏佳理之外甥女 Amina Mariam Bokhary尊貴女仕早前有關襲警、拒絕提供呼氣樣本及不小心駕駛三罪之判刑，提出復核判刑一案，常任法官阮偉明昨日維持原判，結果太荒謬了！
就新聞報告得知阮偉明就此案之判詞大意分為一、拒絕提供呼氣樣本，罰五千，阮偉明話已好足夠，理由是初犯。二、不小心駕駛，罰三千，理由同樣是初犯。三、襲警，判感化一年，理由是正常人不會在一班警察面前掌摑警察，加上精神科報告證明被告有病，這亦同時解釋了何解被告會接連三次襲警。所以維持原判！
阮偉明仲話有市民質疑佢偏幫法官姪女同有錢人，佢反問市民如果被告係窮人，咁係咪一樣有偏幫嘅講法呢？又話佢嘅判決是不分有錢無錢，只分好人壞人，而佢覺得Amina Mariam Bokhary尊貴女仕本質上是一個好人。阮偉明又話判她入獄可以取悅公眾，但卻會摧毀Amina Mariam Bokhary尊貴女仕嘅人生及只會加重Amina Mariam Bokhary尊貴女仕嘅病情，大致再加上這些理由更應維持原判云云！
看到以上報告我覺得太荒謬，首先就拒絕提供呼氣樣本及不小心駕駛兩罪之判刑，我認為都可以解釋得通；至於襲警一案就難講啦，阮偉明話正常人不會在一班警察面前掌摑警察，若根據阮偉明咁嘅推論，咁正常人亦應該唔會係一班警察面前大大聲話：「呢度十二點後我話事」，但講呢句說話嗰住先生好似去咗坐監喎。但現在兜巴摑個警察嗰個卻無事！
我當然同意被告並非一般正常人啦，因為被告係終審法院常任法官包致金姪女、港交所主席夏佳理之外甥女，咁嘅背是梗係唔正常啦，所以我覺得就係由於Amina Mariam Bokhary尊貴女仕擁有這不正常的背景，致令她態度囂張，根本不把警察放在眼內，被告一樣兜巴摑向警察。再講，阮偉明話判決沒有偏幫，更話如果被告係窮人市民又會點講呢，咁首先如果被告係窮人，咁做得窮人一定去唔到美國戒酒啦，又多數無良好家庭啦，再加上多數無高學歷啦，更加無錢自己去請精神科醫生去証明自已有病啦，咁你係咪又係咁判先再講啦。而阮偉明話判刑只分好人壞人，而佢覺得被告本質上是一個好人，我又唔明，一個兜巴摑個正義警察嘅女人，係人都知一定不會是好人，襲警喎，咁究竟阮偉明係憑邊方面証明被告本質上是一個好人呢，唔通係終審法院常任法官包致金話比阮偉明知佢個姪女 Amina Mariam Bokhary尊貴女仕係好人？
又話判Amina Mariam Bokhary尊貴女仕入獄會摧毀她的人生，但犯罪的是她，若真判入獄亦是她咎由自取！
市民並不需要任何人仕來取悅，我們只是對這個被政府攪到不三不四的香港，不再存有什麼祈求，只希望僅存之司法能夠得到正義之彰顯！