上一篇文章和大家講解了父母怎樣在硬件上營造理想的面試環境。這次想說一下軟件上的做法，也就是小朋友在表達意見時的安全感。覺得有點抽象對嗎？我再和大家分享一個事例。
有次我在行駛的地鐵車箱中聽到以下一段對話：
小朋友：「媽咪，點解而家係早上但喺窗外面咁黑嘅？」
媽咪：「因為地鐵而家喺地底行駛緊，接觸唔到太陽光，所以咪咁黑囉。」
小朋友：「咁點解喺地底就接觸唔到太陽光啊？」
媽咪：「因為我哋係地底好深嘅地方，太陽光穿透唔到咁厚嘅石屎囉。」
小朋友:「咁點解我哋夜晚係地面嘅時候，天空都會咁黑嘅？」
(母親的語氣顯得不耐煩)
媽咪：「你都識講啦！因為係夜晚呀嘛，咁咪無陽光囉，無陽光個天就會變黑囉! 做咩你咁多問題問嘅呢？」
小朋友：「媽咪我唔明啊，咁點解夜晚無陽光，朝早又會有陽光呢？」
媽咪：「咁簡單你都唔識，學校老師無教你咩？定係你無專心上堂呀? 你自己諗下係咩原因！」
小朋友聽到媽媽的說話後甚麼都沒有再問，只得一臉無奈和不快。
我相信父母總會遇到上述的情況，大家會怎樣做呢？直接回答小朋友的問題嗎？會否覺得滿足不了小朋友的好奇心，甚至回答不了他們的問題？其實小朋友在面試時經常都會被問到這些常識題，父母總不能代答啊，有沒有想過如何善用這些機讓小朋友自已找出答案呢？
我認為父母要做的是要幫小朋友建立自信心和引導他們思考，例如當小朋友發問時，父母不需要直接回答，反而要給予小朋友足夠的空間去思考答案，父母可以反問：「你覺得呢？你可以告訴我你的想法嗎？」。父母要有心理準備小朋友會有很多錯誤但十分天馬行空的答案，此時應該保持笑容並鼓勵小朋友努力嘗試不同的答案 令他們繼續努力思考而不會好像上述的小朋友因為被媽媽的反應阻礙了進一步。
當遇到較為複雜的問題，父母可以提示他們透過互聯網或書本尋找答案。如果小朋友能夠得到類近或正確的答案，父母可以掌聲或簡單讚美作鼓勵，增加他們的安全感，培養他們的自信心去回應別人。久而久之，即使在面試時遇到難題，小朋友也會願意說出自己的想法，不會覺得尷尬和不安，隨時得出意想不到的答案令校長和老師們耳目一新呢！這就是我在文章開首所說「軟件上」的做法。