剛剛晚飯，談及我同老豆既賭局。原來都幾多朋友擔心我會輸，想食花生但又想我贏（林鄭選唔到）。其實我唔係單純唔喜歡林鄭而落注，原因如下（真係9UP狂想，不喜勿睇）：
A. 如果梁振英因「梁振英路線」而被DQ，咁繼續「梁振英路線」既人亦難免要被DQ。除非真係咁厚顏，忽然選選下受上帝感召大叫：我同梁振英一D都唔熟架，我唔會繼續「梁振英路線」架。
傻仔先會以「梁振英路線」為榮。
B. 港澳辦主任王光亞的專訪，他開出下任特首的4個條件，包括愛國愛港、中央信任、有管治能力和獲港人擁護。假如林太已被DQ，餘下3個候選人：
愛國愛港：葉太／薯片／胡伯伯
中央信任：葉太
有管治能力：葉太
獲港人擁護：薯片／胡伯伯
C. 自從成報既出現，我地又知道中南海權鬥Ｘ派同Ｊ派已經白熱化，打到出面。即係長久以來Ｊ派在港既代理人就要被Ｘ派連根拔，包括同西環諳熟既代理人：
林太／葉太
D. 中國經濟正面臨改革開放以來最嚴峻危機，香港作為中國一道逃生門一個熟悉金融，法律既候選人就會大大加分，假如林太／葉太已被DQ即係：
薯片／胡伯伯 會係中央最後採納既人選
E. 鑒於前特首曾蔭權任內毫無建樹，現在更官司纏身。薯片屬於曾蔭權「馬房」，中央對於薯片的不信任亦源於此。假如中央生怕薯片成為曾蔭權第二的話，最後就只剩下一張白紙（政治上）：
胡伯伯做特首！
講到底，政治變幻莫測，一日都嫌長。快D選啦！我等派彩呀！
2017年1月14日1時15分