返工時侯得知旺角同銅鑼灣失守，比一班反佔中／愛港力／不明人士拆鐵馬清埸，當中毆打在埸人士，包括學生，警察似乎發揮唔到作用，任由佢地搗亂。
甚至有人話：「唔係想警察罷工咩都唔理咩? 呢家又要我地出手? 厚唔厚臉皮啲呀你地?」
竟然將和平示威同暴力毆打混埋一談，我真心失望。夜晚，我去到旺角，見到十字路上聚集一大班人，我剛到步唔係好知咩事，唯有企定定睇，點知企企下，一群戴住口罩人士衝入人群，有人即時大叫：「就係佢地打人攪事搗亂呀！」由於警察唔係現埸，人群唯有圍住佢地，點知佢地發爛，拎哂遮打人，我個袋都就快扯爛咁濟，眼見身邊一個又一個比佢地打到爆哂血，我就火都黎，我眼前唔止係暴民，仲係人渣！但警察到埸後，唔係拉佢地，而係有意放走佢地，好再人群逼到警察拉人。
正當我以為告一段落而離開時，有個反佔中人士打完人後被人發現而圍，但佢逃脫，眼見對方一直跑，甚至越過眼前警察，我即刻走前同班警察講：「你地發緊夢呀？做咩唔拉佢呀！你放走佢呀！？」
個警察笑笑口對我講：「我根本就唔知發生咩事!」在埸人士聽到後即時起哄，甚至追上前捉打人個個人，而警察終於行動，佢地慢慢行慢慢行，即使我地叫佢行快啲，佢地都唔理我地，一直慢行，最後打人者逃脫了。
我終於親眼望到警察有幾無恥。
但愈夜愈恐怖，旺角失控，班人三五成群，橫行無忌，通街群毆打人，最恐佈嘅係佢地打完人之後，當警察到埸，佢地大叫:「撐學生！撐學生！」將身份由反佔中變成佔中人士，而被打者慘比警察拉走，我地即使出聲都無人理。之後班人又另地方打人，而佢地手上仲戴住黃絲帶，打完人又大叫:「撐學生!保護學生!」後來警察都逼瘋了，甚至警察推撞返警察，但當警察拉到一半後，唔知咩事班人可以逃走，逼到在埸人士跟住追，又發生群毆，我眼見有人被打到訓低，我同朋友即時扶起佢，當未問佢有冇事而被警察固頸拉走，幸好最後我無事，但個刻真心覺得心痛，因為我去到邊都有人打交。
而最恐佈嘅係，當我嗌緊：「撐學生！撐學生！」時侯，企係我後面一班紋身漢，戴住黃絲帶疑似黑社會，正正地笑住口同我一齊叫口號，而當中我仲認得佢岩岩係另一邊打完人.....
旺角黑夜
香港真係亂到超出我想像，梁振英，我屌你老母呀！！！