亂估算
【龍門在哪？】 鬼影變幻估算，完全無提供估算基礎，數字任佢作，估算標準任佢擺。之前話要1200公頃，見我地搵到好多地可用，又改口話「至少」1200公頃，刻意製造缺地假象。
【多啲=快啲？】聲稱現已規劃的房屋項目可能延誤，以致未來八年會有嚴重房屋短缺。真相是政府自己行政程序太慢，為何不是集中資源加快現有改劃項目？再搵新地黎搞只會更慢。
【八萬五重來？】故意製造「供應懸崖」嚇公眾， 用「八萬五」年代供應數目與現在對比，誇大「土地不足」影響。政府係咪可以承諾好似當年咁，每年起返36,000個公營房屋單位先？（官：咁又唔係）
【好豪呀！】低估未來房屋發展密度，睇返長策公私營房屋比例同《2030+》文件，原來計到未來十年公屋的地積比係5.44、私樓仲低到2.64添！平時起公屋明明係用緊6至7既地積比喎。
【劏房戶住邊？】聲稱「聽到劏房居民心聲」，但公私營住宅用地需求比例是一比二，私樓地是公營房屋的一倍。政府係咪想叫劏房戶住私樓？
假諮詢
【未諮詢先DQ】未提供足夠資訊如地圖分佈，就DQ短租地、臨時政府撥地兩個逾5000公頃的選項。
【填海為炒樓】將填海面積、房屋落成量與樓價租金貴簡單拉上關係，諮詢只談增加供應，不談房屋政策及分配不公，無視投資炒賣才是高樓價元兇。
公私合營
【盲中中、四圍衝】連發展商農地儲備的分佈及現況都懵然不知，就盲撐公私合營，座落南生圍等生態敏感地區的農地岌岌可危。
【起公屋？你就想！】力推公私合營釋放發展商農地，拒絕用《收回土地條例》處理私人農地儲備，漠視政府收地起公營房屋或新市鎮已是「公共用途」。
【重蹈覆轍】只引港英年代的沙田第一城案例，忽視回歸後以公私合營發展的天水圍是反面教材、規劃一大敗筆。
【雙重標準】左推右搪，發展棕土話「交通不足」，貼錢幫地產商開發農地就話「政府起路」。
其他選項
【唔使睇、唔想搞】亳無數據下，一口咬定新發展區以外棕土「零碎」，黃遠輝曾公開承認並沒有客觀準則去評定「零碎」，今天卻以此為由貶低大如油尖旺區的棕土群發展潛力。
【繼續套、繼續發】檢視丁屋用地，變成放水比圍頭佬起丁屋大廈。套丁刑事化避而不談；要佢檢討丁屋政策，就推諉說已進入司法覆核程序迴避討論。丁屋用地變法外之地。
【又雙重標準】聲稱發展丁屋用地會嚴重影響現有鄉郊格局，難道大規模發展地產商的新界農地就唔會？