9月5日，有人寫左封聯署請願信俾英國首相金馬倫，想佢澄清英國政府有關香港政改問題立場。 原聯署LINK。
（以下係廣東話翻釋）「英國外交和聯邦事務部」（FCO）响2014年9月4日講香港政改問題嗰篇聲明，港喱想英國政府講清楚佢想點。（聲明原文）
事情是咁的
1）啊爺家下想篩過尐辦事人先俾我地揀，無一個字頭系咁，點講都唔公道。我地字頭規矩《基本法》第39條話，嗰條《公民權利和政治權利國際公約》响香港都用得著，佢裏面第25條話「所有手足都可以揀辦事人同俾人揀，無得無端端唔俾」；
2）尐叔父開完代表大會話，候選人要俾佢地尐人揀過先，仲要過半叔父點頭先出到閳，咁即系無得揀，而想點鳩我；
3）拿就咁，而家香港就唔多妥，你老哥英國外交部仲話「表示歡迎」、「承認」同「希望」咁，唔嗲唔釣，即系蹺埋雙手睇住我死姐，人地唔知仲以為你俾佢咁做，以為自己攞正牌添啊。
咁耐以來，冚世界都知我地香港班手足幾有決心真真正正要揀番次辦事人。話哂我地系你英國揍大，送返屋企之前仲簽埋尐咩《中英聯合聲明》，今次你點都要出來講句公道話，睇實啊爺有冇反口，系咪真系有得俾我地揀。
(致：英國辦事人金馬倫、外交大臣菲利普‧哈蒙德) (要求英國政府澄清對香港民主發展立場) 我地想英國政府：
1. 講清楚你老哥响香港民主事情上企邊面；
2. 撐我地爭取真普選。
得閒飲茶
(你個大名) _________________________________