03，04年，政府以財赤為由設新來港人士滿7年為領綜緩限制。到昨日個判詞講得好清楚，當年削減左既綜緩係全年政府百多開支中只佔7億，根本唔成為削減理由。
其二，新來港人士除兒童之外，絕多數係婦女。家庭主婦點樣去計算佢為香港製造左幾多經濟效益？相反如果小朋友因為冇母親照顧，社會反而會有更大既破壞。
而昨日判詞冇講到既係，現時新來港人士領綜緩比率相比以往都減少，就算整體申領綜緩數字增長都減少。最大原因係設立左最低工資，同埋香港就業率達歷來最高。事實係大部人都選擇去工作都唔願背負攞綜緩既「罪名」，淨返一批鰥寡孤獨、老弱傷殘。 我唔明點解仲會有人話綜緩只會養懶人。
另外一單新聞，「半數綜緩戶子女3年無外遊」。個個「媽差」綜緩戶有咩資格外遊，「外遊係生活必須咩？！！」
冇錯，如果十年前大家都會係咁講。但睇下依家我地既社會！
一個小朋友要攞到高D學分上到一間比較唔差既學校。要小朋友成績好不特止，仲要講興趣班、課外活動、遊學經驗…試問一個綜緩家庭點樣負擔？就算一個低下階層家庭，甚至中等收入家庭都負擔唔到啦！
教育政策已經歧視窮人，政府又仆街。咁係未又同綜緩戶講「教育係生活必須咩？！！」
兩單新聞同一個「tone」，就係「窮人抵撚死。」
網絡上面個個都係評論家，而且尤其尖酸刻薄。但係大家可唔可以睇清楚事情背後，先作評論呢？
題為編輯所加。