先此聲明，我在澳門長大，多年來見盡笑盡鬧盡澳門政府的無稽；但今次香港政府班高官的說話技巧，又真係柒到核爆。
講緊的，是689跟他的團隊。作為一個地方政府的最高領導以及高級官員，被問到中港大戰支持哪一隊，竟然不敢正面回答，還諸多藉口，想用語言偽術混水摸魚，交出甚麼「很可惜去了馬尼拉看不到球賽」、「支持港隊打一場精彩波」、「我兩隊都支持」等鬼話，甚至耍手擰頭唔回應，真係笑大人個口，難道講一句「我支持香港隊」（或者「我支持中國隊」），真係咁難？看來香港政府已經成為了地球歷史上第一個不敢公開表態支持自己代表隊的政府。
既然不敢講「我支持香港隊」，倒不如玩個更高層次的語言偽術，講句「很可惜去了馬尼拉看不到球賽，但我心繫香港隊」，不是好聽得多嗎？同樣都是冇表態支持的廢話，但偽術得來又夠得體，咁咪可以柒少陣。