丁蟹的角色設計得咁誇，相信一般人很難代入佢既處境，繼而同情佢起來。
咁係因為我地習慣將人的品性定型，面譜化左佢，黃蓉就係黃蓉，郭靖就係郭靖，唔會溝D左冷禪成分，任何時候都唔會有歪念和出軌亂龍的行為，唔會有心情和狀態起伏而累事的時候（咁講唔係要批評金庸小說喎，角色設計平唔平面有好多創作的限制和考慮，好牽一髮動全身）。現實當然唔係咁，好動態，好混沌架ma, 好多一失足成千古恨，然後就因為咁而被定性，甚至當事人亦會咁樣睇自己，所謂一件污，兩件穢，都衰左咯，有污點咯，正人君子無妳/你份啦，仲顧慮咁多做乜姐? 結果性格定型發揮左自證預言的效用。
出身呀，際遇呀，隱伏的性格特點等等變數一般唔會計算在內，遇上重大考驗和挑戰，乜野性格的人就必然有乜野的表現------呢種理解固然有用和有必要，但亦限制左我地更同情地理解別人的難處，減少了尋求諒解與疏解不必要矛盾的可能。
使人自以為是的失控和失常，隨時都會降臨在任何人身上。我們不是丁蟹，但在人生中某些時刻表現如丁蟹，一點也不出奇。