在前身為贊育醫院的西區社區中心，一兩年輕人踏足從未去過的活動，重聽小學以後未再聽過的關正傑，為的是守候（粵劇）區諾軒。他和民主派開會商量行止，立即趕來獻唱助興以饗街坊。
「個波喺政府度。政府應該撤回方案，重新諮詢。」區說各界交相質疑逃犯條例修訂，民心向背清晰可見。他說民主派的目標不會變，就是盡力制止建制派的非法會議。
「我知道好難。就算星期六嘅抗爭被定義為成功，但已經踏左半隻腳入鬼門關。我唔敢講聽日擋唔擋到，我地只能盡力展現我地嘅團結。」他特登揀唱《我來自潮州》主題曲，似乎憑曲寄意。
星期二的戰況肯定比假日更嚴峻，因為要面對香港人的「民族性」即首先要返工，區也毫不樂觀。「無論民主派點樣抗爭，我地嘅授權都係來自群眾。」他理解好多市民無法在平日響應民陣集會，「但市民嘅支持好重要，如果能夠都呼籲大家參加。」
有傳區諾軒無意連任，行將負笈讀博。區澄清讀博雖是平生夙願，「但而家打緊仗，從政如從軍。」何況陳淑莊等議員正有掛累，大戰正酣，他不敢在戰時奢言戰後和平的去向，首要履行承諾，對得起民主派和港島選民。
區尚未落實來屆會否參選，「希望大家畀我空間。」