（獨媒特約報導）青衣長安邨業主立案法團明日舉行業主周年大會，選出新任法團。參選委員的經民聯區議員譚惠珍在昨日中午宣布退選，她接受獨媒訪問時表示，家人遭不明人士指罵，在受到壓力下決定退出；已向警察備案。她形容今次是政治迫害，強調多年來參選區議會選舉都沒有壓力，但今次則承受很大壓力：「你叫我咩都無所謂：盆菜珍、生果珍同肥婆珍都好，但唔好搞我屋企人囉。」
譚惠珍對獨媒表示自己是在截止當日，即3月26日下午才報名，指參選是為了挑戰自己，而且早已重申即使當選亦不會做主席、秘書和司庫：「預咗入唔到，我服務個區廿幾年，只係想做得更多。」
譚惠珍在1989年搬入長安邨，1992年創辦長安婦女會，1994年更當選區議員。她指參選是因為對邨內的事情看不過眼，例如邨內的電梯太污糟，所以才決定和上屆法團委員劉慶南及汪忠健參選長安邨法團：「如果要俾票，我會有好多啦。」被問到參選法團會否有利益衝突，譚惠珍不同意，更反問記者：「點樣衝突呢？我做委員無錢收嫁。」她身邊的家人和朋友都建議不要參選，形容今次是「自己抵唔住頸」。
「我唔係洪水猛獸，無諗過參選會有咁大回響，我對唔住兩位朋友（劉慶南及汪忠健）。」她多次重申，參選法團只是因為眼見邨內常常壞電梯，而且維修時間較長，「純粹入去幫下手」：「我想搞散你就唔係三個人嚟參選啦，我真幼稚，以為可以和平共處。」
對於「長安後浪」指她在舉行法團會議時，大搞旅行拉走邨民。譚惠珍否認，表示不是舉辦旅行團而是盆菜宴，強調這些活動是早已預備：「唔可能係即時，我自己亦唔會做呢啲小動作。再講，參加活動嘅，唔會每個都係業主。」
記者翻查發現，民建聯葵青區議會主席、當區區議員羅競成連續三年，推薦前法團主席李錦麟成為區議會社區事務委員會增選委員。記者向譚惠珍查詢時，她坦言曾在3月26日，即葵青區議會節日工作小組上向羅競成爭取支持：「我報名前whatsapp 問過羅競成嫁，他同我講話已經應承咗部分現屆委員喎。」她又指：「李錦麟住我斜對面，可能佢有做得唔好嘅地方，但佢做法團咁多年，無功都有勞啦。」
左為被指霸佔為倉庫的安湖樓307A室，右為譚惠珍的辦事處
「我成晚都瞓唔著，好大壓力。」譚惠珍的區議員辦事處位於長安邨二期安湖樓308A，對於霸佔旁邊的安湖樓307A作倉庫一事，她表示使用該倉庫已是十多年的事，自房屋署時期已免費借用：「已經唔記得詳情，有人借我咪用囉。其實嗰度唔係倉，只是臨時擺嘢嘅地方。」譚惠珍指法團從來沒有喚她要交租：「無人同我講過要交租，嗰度無人用嫁。」她表示，該地方只是擺放區議會及地區熱心人士捐贈的物品，例如毛巾及雨傘：「擺下嘢啫，其實嗰啲都係居民有用嘅東西。」
倉庫現時為屋邨工程承辦商所借用，譚惠珍向記者展示從倉庫搬回到辦事處的雨傘、日曆、毛巾、八達通套和掛勾等，強調都是實用的物品，全都是派發予區內的長者。
譚惠珍向記者展示從倉庫搬回來的物資，幾乎塞滿整個辦事處
譚惠珍質疑有人「喉住個議席」：「我承受壓力係應該，但我對唔住朋友，但抹黑人前唔該先睇下自己有無錯。政治人物係應該被監察嘅，但今次係政治迫害囉。」
前管理公司港深聯合物業管理有限公司在去年三月向譚惠珍發信，指如果要繼續租用，便必須交租；每平方呎的每月租用費用為18元，270平方呎即要支付4,860元。她對記者表示，該處只是簡陋的地方，而且經常漏水，絕對不值三千多元：「如果我做嘅唔啱，咪交返出嚟，無問題嫁。」她強調會調查該倉庫的土地用途，「如果想收我租，都要改變用途先」。
記者：麥馬高