文：Hong Chuen Shu（言語治療師）
「我想幫個仔BOOK言語治療師。」家長在普通科診門接待處久等了。
「不可以，言語治療師出唔到閘，你只能BOOK『言語偽術師』、『言語整霧師』或『言語涼呆師』。」診所官員隔著窗閘說。
「為什麼？『普通科門診選項』明明寫住有得揀…」
「因為你攞住831號籌，規定了要人哋揀完比你揀。」
「但是個仔是我的，人哋點可以幫我揀？」家長用力握皺了手中的籌。
「係咁嫁喇，831號籌是不可撼動的。」
「嗄... ...」
「不如你『做住先』，3揀1都唔錯。」診所官員語氣轉得像慈母般柔和。
「『言語偽術師』一定哽唔落，又講大話又唔識教細路，仲收成五千萬添！」
「咁你咪可以踢佢出局，真是向前邁進啊！」
「但『整霧師』整色整水，搏大霧扮打得，而『涼呆師』就施姑上身，講嘢似背經。好難揀喎！」
「起碼你可以揀個無咁差的！」診所官員哄笑著。
「3種師，都唔啱我個仔，可唔可以攞第二個籌？」家長語帶哀求。
「我無講過唔可以，最緊要你肯做住先，到時先算！」
「是但喇，到時你會幫我重啟BOOKING呵？唔該晒！」
「按實際情況...」診所官員遞給家長一份排板：「即係你接受咗『普通科門診選項』，我們已達成了目標，麻煩係份FORM簽個名。」
「這算是普選？到時你呃人，我個仔點算？咁咪害埋下一代？」家長推回排板：「我‧唔‧簽！」
「你咁激進，破壞晒診所和諧安寧！」診所官員變臉。
「我都係講道理啫，又係你話有商有量嘛 ......」
「你不守診所規條，再嘈就註銷你張ID Card…」
「咁…」
李國麟議員，如果你是那位家長，你會「做住先」嗎？如果你有能力，你會阻止以上荒誕的情節發生嗎？如果你還是李國麟，你記得當年做護士的初衷嗎？
在香港這個國際金融中心，我與李議員一樣，選擇了 衛生服務界 作為人生事業，
初衷是本著「人人平等，互相尊重，扶助弱小」的信念，去服侍有需要的人群。
作為言語治療師，我願意以生命影響生命，協助言語障礙患者，活出人性的尊嚴。
我認為無論是自閉症患者、智障人士或中風長者，都擁有平等的權利，去發聲、去表達、去溝通。為何選委可揀先，但市民等人揀剩再揀?為何一個選委可以投3次票，但一般市民只可以投1次？為何出閘要過半數選委，但當選就不需過半數市民？好明顯，有1200或更少數人(因有公司票及團體票)享有特權，
可以「優先地、重覆地及有分量地」投票發聲 !!!
我感恩香港這片土地培育了我們一班衛生服務專業人士，坦白講，政改通過或否決，大部分同業們明天還是照舊勞碌返工，在沒有太大利益關係下，我相信同業都是懷著單純率直的心，用良知及知識去發聲。
我不忍我們這一代港人， 勉強接受沒有真正選擇、違返平等原則的政改方案，繼而扼殺了未來爭取的空間，就像病人要被迫接受不合適的治療，放棄了未來康復的機會。
李國麟議員，請你代表衛生服務界，留給我們最後的尊嚴，向「不平等」說不。
言語治療師 (Hong Chuen Shu)
＊＊＊＊＊
【給李國麟的情書】活動
一日一封 剖白民情 鎖實軚盤
護士政改關注組發起【給李國麟的情書】活動，透過facebook向衛生服務界選民徵集公開信，向李國麟議員剖白民「情」，並以一日一封的形式把部分情書在網上刊登。所有信件會在活動完結後轉交李國麟議員，好讓他能夠更加理解選民們的意見及期望。
歡迎各位衛生服務界的選民朋友投稿至 [email protected]
＊＊＊＊＊
情書另刊於香港獨立媒體網
圖片來源：蘋果日報