攝：Alex Leung
#我對眼就係事實
#眼見為憑
#但Facebookfakenews處處
#此文獻給臉書新用戶或者以臉書就係世界的屌爆你用戶睇
作為Facebook老用戶，經歷過好多網上大起大落的網絡刺激潮漲潮退後，都知道臉書平台的創造力、破壞力，以及此臉書平台之廢與無能的事實。
第一樣野係臉書係科技、電話都係科技，我們不能不用科技而不察其性質與局限。如果大家當科技網絡係抗極權利器，人人能參與發聲，唔該留意下手頭武器的特性、性質先。
大家習以為常或日漸死去的紙媒、報紙，都係科技發展下的科技印刷媒體載品。
大家睇報紙都知報紙係傳達唔到真相事事實、更時有扭曲，因為係版面字數局限、記者理解能力／解讀、編輯介入、受訪者情緒／言語局限／分享的過程，大家都只能選擇性講故事同接收訊息。
報紙本身轉載的二手故事，本身都極度壓縮，高度栽剪，充滿立場。睇報紙都知報紙不能盡信，故事背後的複雜程度往往是短短報導不能予之。
報紙如是，大家係網上又何以傻豬豬睇網媒傳媒轉載報導、網友分享、KOL評論、製圖、製片，就是為不需過濾的事實真相？
大家睇過競選影片都知道「候選人KO對手片段」係幾荒謬好笑，現場可以完全無駁火或對手被KO的意味。
肉眼接收的文字、圖片、影象資訊，往往都係經過大腦處理，正如依家見到的空間人臉肉眼影像投射，大部份係腦內提早處理儲存的資訊組合。
而係臉書一個訊息、一個留言，與其話見到真相；不如話見到自己投其所好的解讀，加臉書AI運算功能，回音牆都講咗幾年，大家情緒唔好咁認真啦。
唔好見到一個、幾個、一堆on 9留言，就幻想確定泛民、本土、年輕人、老野，都係咁撚樣一個，用 Facebook 抽離少少，留意下自己用緊乜同臉書係點運作好無？再留意埋自己點接收資訊同情緒點解會漲落好無？
如果少少野就情緒爆炸，咁因為臉書密集的訊息同負面情緒投射站係會放大呢D言論，自己再不加思索地吸收，何苦？無人話各派各系支持者不曾受對方在街上指面攻擊； 但又要用科技，又唔留神科技平台性質，自己錯定他人錯？
而更複雜係臉書大紅大紫前，世界同香港政治都係咁運作架啦，一早就有好多仆街野、爭鬥、利益、陰謀論、大眾理解受電台、電視、報章、雜誌宰割。而家換個平台叫 Facebook 啫？
到臉書出現後，好的方向咪強化動員力、出現反國教、HKTV、雨傘呢D運動，大家眾志成城；壞的咪將極端現實世界所有野密集、攪炒加劇推進。
而網絡世界同現實世界已係一一手執一機；建制派都好識玩、各位臉書用戶亦被更年輕的十幾歲「年輕人」揶揄為老人平台，佢地係唔撚會用的！
遺憾的是網絡世界同非網絡世界，兩個世界係分唔開的。
各方都有屌票黨，屌票屌對方抵屌，係好正常的事，因為自覺對方好on 9，但亦都係自己個群人個小圈子的慣性單向解讀、同狹窄報導接收下自認好合理的事。
而確認對方好on 9 ，自己的資訊圈自然不斷發放對方係on 9 的訊息此一解讀。如果叫大家入藍絲圈，諗下佢地親友圈子同報導資訊接收性質，又如何？睇報紙識選擇，用網絡就唔撚識分，呢D其實係咪更抵屌？
粗俗D：有無諗過自己點用同用緊乜丫，丫哥？（真係大家都要學用FB同科技；科技是會影響政治運作的，陳可洛引用的美國MIT Technolohy已有專題討論社交媒體如何導致民主衰落：見留言）
自己選擇性接收資訊，再以為眼見為憑，文字、圖片就係真相，一條條留言就係一個個世代、一個個社群、代表「大部份某某陣營」都係咁仆街，咪大撚獲囉。
而網上是沒有個人品格守則的，一個人出事、就可以一堆人出事。
轉轉轉再轉載，就可能某條屌9對方、笑9對方的片段成為一個網上熱話。大佬呀，可能都係得一群人睇到架咋。但會加深某樣定見，指責另一方on 9，同自己好撚醒同正義。
到底科技玩9人，定人善用科技。講咁多，都係想講返屌票同近日選舉政治。
其實要係網上屌票，屌焦土的言論是on 9，不是完全不合理。在網上發洩、表達，就要接受風險被有心人士揶用、放大、攻擊、扭曲，進一步惡化溝通差距同雙方偏見，再導致成百萬不投票的人覺得「政治好污糟，呢邊人好on 9」的睇法。不在話下的是FB運算令到被醜化的訊息放大、扭曲或出唔到街接觸更多人，抵唔抵先？
唔係唔屌，而係點屌、係邊度屌、屌完有咩後果，全部都係有後果的。真心撚（包括KOL）、網上專點火的KOL、同五毛，大家分唔開，或撈埋一齊屌，有何益處？
特別可能呢幾年先加入臉書的老中青長輩，希望大家都覺察臉書係科技，有科技平台獨有的特性，不留神，就科技玩我地，不是我地玩科技。
而更嚴峻的現實挑戰係，泛民的精英圍子決策、討論，在網絡平台未出現之前，精英領導好似無問題或少人 challenge。但網絡平台出現後，政治情勢進一步惡化，人與人之間，即使係政治領袖之間的一言一行、私下交流、未能促進「網民、KOL」參與或得佢地歡心，都會好易被合理或無理政擊。呢個不幸地係係當下政治情勢。呢個係泛民大可留神的地方，而唔係咩係味要我地跪曬起度對方先肯受的問題。（最近大把例子，請自己隨便舉一個）
而現實政治在網絡上是會放大、檢視得巨細無遺，動輒公審。
結論係我地更留神點運用科技同私下待人，包括民主派核心人士的政治運作 ？定係唔撚理啦，屌佢咪屌佢囉。
係我眼中，本土派同泛民屌票黨沒有進被誰高尚，都各自認為自己是為香港好（不計五毛的煽火論），但兩者可能都是識對方條毛？卻可在網上連番大戰。
臉書是好難促進心平氣和的交流地，因為無名無性的網民係不需要比面你，識你老鼠？屌爆你。
大家平時無乜野，真係唔需要用FB呢個on 9平台；不是不看、不用、完全放棄。
但係考慮用FB前，出下一條feed前，諗清楚D先？大家接收訊息，睇緊咩？點解覺得佢講就係事實，無扭曲？
大家可以的話，withdraw facebook 一段時間，留意下自己身心狀況，非常好，無乜壞。
而關鍵是，網絡不會解決香港目前面對的政治困局，精英領導與邊緣市民無從參與而形成的理解落差的挑戰，也不會解決媒體質素報導低劣的現像。亦不會解決自己有幾留意自己是如何與人相處，如何接受偏狹的訊息而不自知。這也包括非網絡世界的相處，如何令到媒絡上出現大量描繪一方一派on 9不能耐的故事。
如果覺得我地圖炮，都係為了希望大家都比少少空間時間自己休息下。每個人都想做好，但有時做密做多做狠並唔見得係做好件事。而唔察覺自己手頭工具特性而參戰，大佬丫，望下D極權國家想點用科技玩9 平民啦！
齊做個有品德的網民，做個有品德的人。呢個先最難，但呢個係最大的挑戰。政治沒有有品德的人，講乜都曬9氣，大家一齊互相屌囉，屌爆你，有乜為？