愛情原本係一件好甜蜜既野，但係生活係香港既男男女女，由佢地出世開始，都好似命中註定咁，硬係要佢地講男女既愛情，呢樣野好似係一個將近成年既香港人必經既階段，就好似唔知點解，七字頭既香港人永遠都要係中學時代講﹕中學生應否談戀愛。但總係唔見有﹕中學生應否攪同性戀。我就係咁完成左我既中學時代，冇野特別，冇野唔見得光，只係從來都冇拍拖，因為呢個時代好似唔係好啱我既存在。
生活係咁既環境，自自然然我就好保護自己，因為我要既愛唔係男女之間既愛，而係男男之間既愛。就係咁樣，呢d好多人都話大譫既愛，我唯有小小心心咁去偷啦。直到而家，偷又偷唔倒，求又求唔倒，反而作為一個家庭服務社工既我，成日處理人地既愛情，真係好笑。其實一個愛情白痴既社工，救人不自救，得嗎？
text/html