坦白講，香港傳媒愈來愈擴大自我審查範圍，已經係人所共知嘅事實。但或者你估唔到，香港各大紙媒嘅馬經版都有自我審查嘅嫌疑。
大約兩個星期前嘅法國二千堅尼賽日，好多騎師因為唔滿意賽道狀況太惡劣，所以決定聯手威脅當地馬會，如果唔轉換跑道作賽就立即罷工，蘇銘倫同莫雅仲要係其中兩個主要嘅發起人。最後當地馬會被迫就範。
但咁耐以嚟，香港絕大部分嘅華文紙媒馬經對呢件大事都絕口不提，係得朱鎮輝5月15日係《頭條日報》篇稿（〈有人在場 直播妥當〉，頁P40）有提件事，不過都唔係直接講發生咩事（「競馬知舍」同係《癲狗日報》寫文嘅鹵味男就有直接提過呢件事）。而家唔係叫任何紙媒一定要係輿論上撐罷工，但咁大件事，如實報道都應該要啊嘛？
各位負責馬經版嘅朋友，你哋唔係同我講唔知蘇銘倫同莫雅係邊個呱？
在Wisenews輸入「法國二千堅尼」關鍵字的搜尋結果（搜尋日期範圍：2018年5月1日至2018年5月27日，下同）
在Wisenews輸入「蘇銘倫」關鍵字的搜尋結果
在Wisenews輸入「莫雅」關鍵字的搜尋結果
蘇銘倫接受傳媒訪問大發牢騷片段：