觀天喜地迎歐國盃，睇樂視窒格。今日雖然出咗睇波貼士，但我可以保證一定無用。因為真正出問題並唔係家用網絡繁忙，而係香港整個互聯網根本不能承載歐國盃這種突如其來的網絡傳輸。
樂視係internet TV，同nowTV及有線不同，樂視並沒有為自己的播影係香港舖過任何一條線。樂視的信號傳送係依靠大家屋企的互聯網，大家面對的問題除咗屋企的用量，仲有成個屋苑甚至成個區的其他互聯網用戶。單靠自已唔上網唔打online game ，根本幫助不大。
情況其實同hktv開台窒機一樣，因為全港互聯網都拎hktv的信號，就算電訊公司hkbn背後support 都解決唔到何況樂視根本無電訊商支援。相反nowTV需要為用戶舖專線，數據高峰有得計，所以較難有窒機情況。
隨著internet TV興起，質素亦不斷提高，依靠電訊商舖線根本不能解決問題。政府應考慮主動做好基礎建設，為香港互聯網興建公路再租與私人市場，才能承受未來互聯網的挑戰。