會展人頭湧湧，有人拖喼、有人捧住。
商務以「閱讀盛宴」為主題，把書本放在餐碟上，頓時香港好像真的成了一個閱讀之城，人們只看書、不吃飯般，有極高超的文化道德修養。
這個「極高超的」「文化道德修養」到底有幾高呢？傳統儒家思想也許就是這樣的境界。捨利取義、捨生取義是常見的口號，孔子七十二門徒之首的顏回，一生安貧樂道，「一簞食，一瓢欽，在陋巷，人不堪其憂，回也不改其樂。」即使窮到死了，是真的死了，也會快樂。
聽唔入耳嗎？我見到商務印書館將書本放喺餐碟上，明明無咁高修為，又扮到真係會睇書當飯食，我都覺得好反感。
在此，我想介紹一位文學家：他叫川端康城，是第一位取得諾貝爾文學獎的日本人，出書超過40本，他在日本文壇以至全世界的地位是無庸置疑的。
可惜的是，香港書展遲遲未見大師的影蹤。中、英文譯本都沒有，筆者失望而歸。
村上春樹的《刺殺騎士團長》又被要求下架。淫褻物品審裁處要做野，大家無得怨，要怨個社會唔開放，都唔係呢一刻黎怨喇。不過點解係書展期間先黎評佢為二級？你書展前黎評，大家都無咁嬲啊。
村上春樹亦獲諾貝爾文學獎提名，外界只是揣測他何年會得獎。而且他另外的著作《揶威的森林》與《1Q84》等等也同時涉及性愛橋段，卻未被評為二級不雅作品。《海邊的卡夫卡》當中，男主角更在夢中與姊姊性交，其實性幻想：係人都有。至於性交：比錢就有。性愛呢？就要睇你的樣子如何。
首位中國籍諾貝爾文學獎得主莫言的名作《豐乳肥臀》也有大量關於女性性徵及暴力情節的描寫，可見文學涉及性元素，是正常不過的事。想問淫審處為何又不把《金瓶梅》封膠？
因為性行為的確是人之常情，是動物的本能需要，過多的扼殺、特別是在書展期間才評級，則讓人覺得有點不對。
同時，三聯、商務及中華書局均無出版《刺殺騎士團長》，遭殃的只是大眾書局與其他小店。這也很令人產生遐想。
至於大家都見到楊思琦索爆寫真集，又係幾多級？貿發局指：原來書展由1998年起只可銷售第一類書刊，任何出版物包括o靚模寫真只要符合規定便可發售。所以大家行過見到嘅寫真，係就係包左膠，不過只係費事你睇完唔買咁解：大人細路只要磅水就有。但係純文字嘅小說，居然唔可以喺書展出售。
真係好ridiculous囉！
另外，不得不談的也是政治。三聯、商務和中華書局每年均被獲配對著1D及1E的位置，即是市民在街外排隊、然後獲分配的入口，貿發局解釋「有很多入口嘅」，但大眾和明報出版對著的1C門口，只是供由高層入來的人進入。
以面積大小、及過去書展的參展紀錄作為評審準則（即以去年展區位置參考），這有甚麼問題呢？我們都習慣了壟斷式市場模式，我們愛逛大集團、大企業，我們是很麻木的，沒有問題。
那麼全場租金都一樣，又有無問題？精精靈靈的香港人幫手計計，如果樓上舖同地下舖位的租金一樣，咁樣點會係公平？壯大大財團、壓搾小商戶，我們已經習慣。
商務標榜做「閱讀盛宴」，但書展卻是一場無乜修為（川端康城）、無乜文化（村上春樹）、又無乜公平性（租金與地段）的展覽。
請讓小書店與我們一起唱句：「書展註定難，我已經習慣」，真令人感到無奈。