大自然與淫照風波
自拍，
近年成為一種「生活儀式」，
隨著數碼科技的發展大顯「神通」。
影象符號的世界自有影像世界的圖騰，
因應特殊的條件，
衍生獨立的「報土功德」。
這種「神蹟」，
自有其過人魅力，
況且任何「宗教意識」大半來自信眾間的互相交叉感染，
傳播方式普及化又再加多一層功力，
而互聯網本就是一個提倡「分享」的「宗教體系」，
漸漸就要光就有了光，
成為一個自有永有的「生態環境」，
像創世紀一樣不知不覺就變成一個獨立的「自然法則」，
大自然孕育萬物，
信眾日日可隨時隨地講見証，
不過，
講見証從來都沒有監人乃後，
個個都自願上台，
這才是分享的精義，
如果人家不想跟你分享，
時人地都不對，
連男女家都冇你個名，
你又面懵懵入席，
或者更有甚者，
跟著一個連自己都冇請帖的人，
成群入席，
要主人無端端筵開多過萬酒席，
這條酒水數點計先？
阿生？
這種破壞乜乜大自然法則的事，
奇就奇在環保團體又會冇聲出，
點解？
因為鈍，
因為「大自然」係佢地心目中只係青山綠水，
因為不知「大自然」會衍生會單細胞分裂，
因為通識不足，
睇唔出係「同一樣野」，
認為完全唔關自己事囉！！