回來澳門過年， 朋友、親戚、同學等，總有大小不同的聚會。離開日久，回來才發現，為何大家聊的話題都總是那麼幾個。
無論任何年齡、任何群體，聊得最起勁的，往往離不開食玩訓。
聊吃喝玩樂的，就討論澳門有哪家新餐廳、新café、哪家酒店的下午茶最 Instagramable，又或者放眼大灣區，珠海有甚麼最新的商場食肆、兩日一夜食在廣州快閃之旅、香港哪裡又有最新的紫薯芝士拉絲海膽、哪個商場又有甚麼特展要去打卡等等。
聊旅行的，就聊幾時有平機票，坐哪家廉航去日本台灣泰國；研究「請假攻略」，如何請兩三天就有十多天連假；要去哪些小眾景點；要不就問你英國旅行攻略，提議去哪些城市哪些景點云云。
在食玩訓以外，當然也會聊到其他話題，但回應不外乎是這些，節錄如下︰
樓市
「我間樓唔知升左幾多幾多，而家打算換樓架啦！」
「儲緊錢上車囉，Budget唔多打算平平地買唐樓咋！」
「英國樓平過澳門又點？買左唔通去住咩，你住埋我份啦。」
DQ議員
「班人係度搞事，搞亂香港，澳門蘇嘉豪學埋哂啲野搞埋咩澳獨呀，而家咪抵比人DQ囉！」
移民
「澳門先係全世界最好嘅地方！又無天災無人禍，又唔怕恐襲，經濟又好又可以背靠祖國，係倫敦坐個地鐵都驚恐襲呀！」
空氣污染
「嗰啲煙霞來之嘛。澳門成日都係咁架啦！流鼻水咽喉炎嘅野，抖下就無事架啦，你身體唔好啫。」
電視
「外國無TVB睇咪好悶？最近過年凌晨重播《不懂撒嬌的女人》搞到我又晚晚追呀哈哈哈！」
物價
「外國乜野都貴！邊似得澳門咁，人工又高但買餸唔貴，仲可以出拱北買添呀！」
澳門或許非常有錢，但是否卻窮得只剩下食玩訓？除了得閒飲飲食食，放假去日本台灣泰國，澳門人還剩下甚麼？