隨喜，
喺佛教徒團隊中真係用到濫，
乜都話隨喜啦！
搞搞吓有d畀面派對嘅味道。
只隨，
不喜。
老婆大人叫你陪佢行公司掃月下貨，
你隨，
不喜。
老細叫你去佢個女個生日派對充撐場面，
你隨，
不喜。
阿媽叫你年初一去沙頭角個太叔婆度拜年，
你隨，
不喜。
咁搞法，
野野都唔喜頭，
包你好快謝！！
到時去印度神遊都冇用！！
隨喜功德固然冇你份，
連基本功課都咁草草了事，
仲學乜野人講入乜定入物定，
修乜止習乜觀呀，
更加唔好同人講深入經乜藏，
如乜春法喇！！
即係咁，
26個字母都未識寫，
睇乜賊沙士脾啦呀，
大哥？
世間咁大個定係度，
你都冇d輕安，
慢吓手連觸輕安都未起頭，
就想入？
你冇野吓嘛？
前戲不足，
敗事有餘啦！
適逢情人佳節，
咪話阿伯唔醒d晚輩呀，
咪聽日拿住扎花皮笑肉不笑呀！
又要隨又唔喜，
真係棧搞啦！！
咁鬼虛偽，
不如講畀人聽你唔鍾意do,
等佢隨喜囉，
怕你又冇咁嘅”吉士”喎，
大哥！！
