一早返到HKU Campus，見到燈柱上面貼滿紙，叫同學在學生會幹事補選當日投候選財務秘書鍾匯成反對票。事緣係鍾同學無去諮詢大會又唔講點解，而且重無政綱、無宣傳。本來無去諮詢大會就真係唔係咁大不了，你唔認同SU搞個諮詢大會，咪自己連搞幾壇囉。但係，如果連政綱都無，就真係有點兒那個。大佬，你選財務秘書，係唔係都要畀同學知道你理財的理念。我唔知道鍾同學係唔係真係咁把炮，覺得HKUSU選舉一向都係盲票當道。我承認，學生會每年ｄ贊成票都係靠盲票得返來，基本上多人投票你就贏，但係如果盲成咁就真係幾悲哀。
點解有ｄ人可以覺得自己靠盲票就選到，連政綱都唔使有就覺得自己可以選到呢？其實要怪就怪大學生自己。每年SU選舉，有幾多人有認認真真去等完份政綱先去投票，定係求求其其行過票站就放張票落去，跟住就畀人老笠左成年呢？我唔講大家都心中有數。
如果鍾同學無政綱又唔過諮詢大會都選到財秘，真是HKU的悲哀。如果佢咁樣都選到的話，我建議大家同學真係諗下，去學生會門口排隊要求退會！我地無理由將自己的會費交托畀一個你都唔知存唔存在的人！