按：下文是香港婦女勞工協會民間女記者文迪寫的文章，「寄居」之小弟的戶口。
昨晚因為香港婦女勞工協會的一個電話，今晨(按：指星期三)便跑去跟他們聲援那群在天光道罷工的扎鐵工。說老實，小女子初時還未弄清「聲援」是甚麼意思，直至婦女勞工協會的一句：「你地(一班大專學生)等陣要對住個咪向d工人講你地支持佢地架！快d諗下你地會講d乜啦！」一聽之下嚇呆了。心想：「唔係化？我只係一個民間記者ja wor，唔使對住個咪出聲嘛？！」結果，在群眾壓力底下，小女子獻出了人生的第一次–大大聲支持人家繼續抗爭，說話時雙腳在不停發抖！就算現在都想不清究竟那刻講過甚麼東東，僅記得開場白是：「大家好！我係黎自科大既！！！…」攝記在旁邊不斷「集…集…集…」緊張之餘，其實都挺過癮。
答應了以民間女記者的身份寫一篇文章，於是便走去跟那些扎鐵工「吹水」了。 哇！一走到水馬那邊，工人們說話時沒有句號式的連珠爆發，令人完全感受到那鼓血脈沸騰的男兒氣！(當然包括了長期被壓榨的怨氣) 這裏不詳說他們被資方剝削的事了，聽得太多亦有點膩。
「我地依班扎鐵工就最淒涼喇！」
他們會以開機關槍的速度向你大吐苦水，我只是如一幹木頭地站在水馬前。水馬後的強哥搶聲說：「呀姐姐仔！我地依班扎鐵既就最淒涼喇！你知唔知呀？ (做)油漆既700，(做)泥水既800，我地得o個600 ja！依成十年我地係咁被d無良僱主壓榨，以前最好境o個陣時我地有1200架！依家先得o個600，你同我計喇!」 「哇！都真係減左好多喎!」「梗係la！最離譜係03，04 o個年呀！由1200減、減、減、減到600」「哇！一年減一半？!」我難以置信地問。「有d野真係講你都唔信呀！」旁邊的仁哥遞過兩張紙來(見附圖)，說：「喇！唔係呃你架！有証有據，拎返去慢慢睇！」「咦？咁即係你地04年已經得600啦，但係依家已經07年囉喎！做乜依家先黎爆呀？」成哥碌大對眼氣憤回應道：「你知唔知依家我地點過日子呀？柴米油盬乜都加，連交通(費)都加呀！係唯獨人工無得加之餘仲要減！04年o個時經濟差嘛，咁你地話減我地無出聲，一齊共渡時艱嘛！依家經濟好左，連呀曾蔭權都話『今年係廿年來最好既勢頭！』啦！公務員有得加喇！新警察入職都有萬五啦！我地依家叫爭取合理d既工資ja！如果話係加人工？（由1200加到）1300就算係加人工喇！依家只係講緊合理d既人工！」
「其實我地都唔係最慘喇！」
強哥突然搖頭嘆息道：「其實呢…我地都唔叫最慘喇！d尼泊(爾)仔仲慘呀！佢地唔識字嘛，又唔識講(廣東話)喎，人地俾份野佢填，佢咪淨係識係上面畫交叉交叉囉！佢地得o個400幾ja！初時(新入職)仲慘！得o個300幾ja陰工！做耐d咪好d囉，做熟左有500幾!」
「我地最乖、最聽話添啦！」
終於按捺不住問他們：「你地俾人話搗亂香港喎！」成哥立即搖頭帶自責的口吻道：「係…依個我地認喎！我地係唔o岩！但鬼叫張建宗(當日)話兩個鐘後見我地，之後又反口咩！」強哥插口道：「其實我地最乖、最聽話添啦！」控制不住「o下？」了一聲。「係呀！我地班扎鐵最聽話啦！其他地盤工人一張證搞掂，我地要6張證架！政府話要6張咪6張囉，我地工人個個都帶住6張證先會入去(地盤)，做足哂政府要求啦！姐姐仔！你估d證唔使錢呀？張張都要成2百銀架！」「哇！咁6張未要成千二？！」「唔係你估！」強哥回應道。
大約短短十五分鐘的交談，令我更堅信道理是屬於扎鐵工的一方。雖然他們樣子個個都凶神惡煞、粗粗魯魯，說話時又大大聲，彷彿在跟你的耳膜作對，但這絕對不等同於道理並不屬於他們。很記得吳明林先生的一席話「咩叫『大』呀？有道理既就叫『大』，無道理既就『小』！」既然道理在扎鐵工人身上，公義亦應屬於他們的！這個世界，從來不是你要甚麼，老天就跌落來給你。歷史告訴我們，「爭取過才算是你的！」請大家力撐多年來為我們香港人勞心勞力地建屋、建橋、建路的扎鐵工！
註：文章中除了「成哥」外，其餘人名都是被代上的。
文迪 (香港婦女勞工協會民間女記者)
附上三張文件。自己看看。我之後才加subtitles。
