《我死比你睇...》
(請注意，這是PG 家長指引的！)
尋日有個摩根大通經理疑似被炒，跑上公司30 樓跳樓自殺。新聞推斷工作壓力為自殺主因，又再次令我諗起OT Forever，定立標準工時的事。
做野做到自盡，而又返公司「死比你睇」呢件事，真係存在住無比的怨氣。「等呀哥呀姐成世唔安樂，我死都返來搵你」呢個行動，我次次OT 都想執行。
你覺得呀哥呀姐會良心發現，覺得佢地會唔安樂？真係太天真，太傻啦。其實諗深一層，你死比佢睇，原先炒你個一個月賠償咪當做帛金，燒比你囉，聽日佢又再叫HR 用再平D 的價錢請個奴隸獸返來。現實中的無良呀哥代表就有霍建寧，想當初同碼頭工人談判，佢話「21世紀，邊有人逼到人做24小時」
如果奧運有個項目係「OT」，香港一定係金牌選手基地啦，金銀銅都我地拎啦。香港打工仔OT真係所向無敵架，個To do list 長過條青山公路。香港打工仔其實OT到好似終身監禁的監犯一樣，不如公司設立親友探訪時間，到時到侯，個clerk 咪係公司個窗口叫我staff number 等我覲見親友囉。一日返9至12 or more 呢，真係攰到好似比哪吒抽左條龍筋一樣，唔方便再一來一回等多幾班地鐵架啦。
OT 到想自盡，說好的標準工時，我諗我退休個時會持續討論架啦。如果問蘇局長：「對於香港打工仔OT 到咁，你有咩睇法呢？」。蘇局長應該又會答：「好多野做要OT呢，咁不如試下做快D 呀…」
PS. 前幾日反蝗行動，有個大陸女人話：「沒有我們內地人來香港買東西，你們香港不會那麼好」。其實我們香港人做野勤力到咁呢，我相信香港「那麼好」係我地OT 返來架，同你買個少少野毫無關係。日日返工返到好似比哪吒抽左條龍筋出來的香港人，除左想同無良呀哥呀姐攬住一齊死之外，都好想同D「唔洗做有得拎綜緩的新移民」同歸於盡的。