1）請問貴司係如何去查証該車輛是否合資格
GOGOVAN的初步認証手續，只是需要提供，行車証，車身照，及身份證既相片，已可完成，完成後已可接貴司既order！但請問貴司如何係相片中可証明到該車輛是登記人所擁有？
另外貴司聲稱有貴司有車輛是司機以個人名義設立公司，再用公司名義登記！但香港法例係吾容許車輛用「公司」去登記做車輛持有人，如要用公司名義去登記，只可係「有限公司」，但有限公司係需要有兩位登記人，同如使用該車輛從事非該有限公司既業務範圍時，需要該」有限公司」既（授權書）！請問貴司有否收到該（授權書），已證明該[ 有限公司 ] 係已授權該車輛係已獲授權做貴司order？另外貴司係回應時提到，貴司有車輛係用（個人公司名義）登記為車輛持有人，咁……貴司內部是否有人作虛假聲明，同使用虛假法律文件？是乃嚴重刑事罪行，請問貴司係如專人查証？
2）請問貴司如何証明扣減附加費後生意 大增？
貴司聲稱調整附加收費，是經過大量市場研究及收集多方意見？咁貴司係如何去作市場研究及收集意見？是否搵專人去作研究？如何去收集多方意見呢？
貴司既然聲稱晚上9時後叫車量境加了40%，我地客貨車係車貨物收取酬勞，請問有什麼公司係晚上9時後出貨？同收貨？係香港大部份屋苑係晚上都不可進行工程！晚上無公司有貨出，又無工程要運送工具及物料，請問該40%增長係如何得出？
另外貴司聲稱3月所有order量都有所增長，請問係同何時相比？上年3 , 4月，定用2月來相比？我地吾好忘記今年2月係過年，係運輸行業最靜既其中一個月！請問貴司係如何計出該增長數字？
3）請問係有同司機溝通
貴司聲稱有從各種不同渠道同司機溝通？咁請問貴司係如何同司機去進行溝通？（見附圖）請問這樣是否叫做溝通？
4 ）是否壟斷
貴司否認有關壟斷，又指目前GOGOVAN平台是讓司機免費經營，若日後向司機按比例收取佣金，司機收費越高，反而對公司梗有利，並無壓價既理由，但貴司對壟斷既回應只有（不明所以）及「指共享經濟，公平競爭是貴司的經營理念」，但事實上，早前貴司於某本雜誌上的訪問中，曾提過貴司於一年間由原本5名員，增幅到50多名，擁有五萬名輕型貨車司機為貴司效力，在全港有超過六成市場佔有率！請問貴司咁是否有壟斷之嫌？