大家睇緊嘅呢篇嘢，喺用咗筆者年幾以前寫嘅一篇論文＂Grass-eating Behavior of Cats
- A Nutritional Supplementation Hypothesis＂, March 7, 2011，嘅大部份內容寫出呢嘅。但喺直到今時今日，所謂科學家對＂貓食草＂呢個咁明顯咁簡單，同埋又咁有趣嘅題目，都完全冇做過啲咩研究。究竟喺學術界所謂嘅＂科學＂有問題呢？抑或喺依家搞緊科學嘅人有問題呢？又抑或喺我哋人類有問題呢？咩嘅科學研究先喺緊要，咩嘅科學研究先唔緊要？响大部份所謂學者都要攞 funding，都要搶登 “A” journal 嘅同時，喺唔喺就唔可以去研究一啲有趣嘅＂小＂問題呢？
第一章：引言
貓(學名Felis Catus)同埋佢哋嘅遠親近戚，即喺其他貓科動物（例如，獅子、老虎同豹﹚，咁耐以呢都俾所謂生物學家同埋其他科學家話喺完全、絕對或者喺真正肉食動物（Morris 2002），貓嘅生理結構同其他動物極之唔同。科學家話所有貓科動物（包括屋企入面同埋野生嘅）都一定要食肉，因為淨喺肉入面先有貓一定須要嘅 taurine (當然亦可能包括 arachidonic acid)，而呢啲物質淨喺响動物嘅肉裏面先搵到，而且貓貓對蛋白質嘅須要又特別高同埋嚴格，所以佢哋唔食肉喺唔得嘅。筆者都覺得呢個講法應該喺冇錯嘅。
貓科（falidae）動物同狗科（canidae）動物好唔同嘅地方喺，狗科動物（無論喺獸獵性 （predator） 或者喺唔知中文名喺咩嘅 scavenger）喺雜食性嘅，即喺狗食肉之外，都要食素菜，但喺貓科動物就從來都冇科學研究話有必要食素。但喺最搞笑嘅喺，當唔同嘅科學家响 youtube 入面見到唔同嘅貓科動物（包括貓、獅子、老虎同豹）都好開心咁（就好似佢哋喺牛咁）食好多草，呢啲所謂科學家都 O 曬咀。咁點解呢啲俾所有人都認為喺齋食肉嘅食肉獸，全部都鐘意食草呢（其實佢哋仲好鐘意食南瓜添），呢個問題喺好值得我哋用科學方法去研究嘅！
以下落呢一連串嘅討論唔喺要幫貓貓點解要食草搵一個絕對嘅答案，而喺要用生物學同動物營養學嘅理論，試吓去解釋＂草＂對貓貓嘅營養呢講可能有啲咩好處，即喺話貓貓有啲咩營養，喺冇辦法靠齋食肉呢食到嘅。又即喺話，貓貓食草究竟攞到啲咩營養，令到佢哋响千萬年嘅進化過程入面，保留咗食草呢種習慣。呢篇嘢其實最想嘅，喺要引起其他人嘅興趣（尤其是喺生物學家同動物營養學家），希望人類對其他貓科動物有多啲了解，尤其是喺佢哋嘅食肉以外嘅營養須要。
註：筆者後來發現，原來有一種生物，好可能真喺連草都唔食嘅，就喺一種叫 Monitor 嘅＂肉食性蜥蜴＂，至於呢種肉食性蜥蜴喺唔喺真喺一啲素都唔食呢，就要等第日科學家去研究啦？但喺如果 Monitor 真喺完全唔食素，咁佢哋點樣可以食到肉裏面冇嘅營養呢，例如：18:2 linoleic acid 同 18:3 linolenic acid呢啲所謂 essential fatty acid 呢？筆者又要投降啦！
原文：＂Grass-eating Behavior of Cats - A Nutritional Supplementation Hypothesis＂, March 7, 2011
youtube video links:
Tiger Eating grass http://www.youtube.com/watch?v=0klseUVONd8&feature=fvsr
Falidae Eating pumpkin http://www.youtube.com/watch?v=3iJKRhy_fsM
WEBSITE: http://www.bigcatrescue.org
影像串流: 獅子食草, 老虎和豹食草