尋日死要宗教小子同我去睇玄園學院後山個壇百年羅天大醮，
佢怕左老人家長氣，
就一早同我出發。
有左佢呢本活宗教百科全書，
就儒釋道壇都畀佢解釋得清清楚楚，
包括南北派別擺壇方法同服飾，
點解有咁口既傳承，
點解有咁口既轉變，
班友係做法事時邊個係真正修行人，
邊個係”鄧”腳口既職業喃無佬，
佢都逐一解說，
最精彩佢仲埋去盤人，
搞到人地看檔口d閒人啞左，
我話你咪咁冇陰功啦，
咪當放生囉。
佢就話明知做百年至一次口既法會，
都唔揀好卒至口黎，
係好唔負責任口既行為，
宗教畀人點睇就由你守門口個位開始吖嘛！
咁係口岩，
不過做人要有容人之量口既。
等佢同我上完哂活動教學課，
小子老師話我太冇料，
要繼續同我補下課咁講，
于是帶我由圓玄落斜路，
抄入路旁小路，
另一個世界就係我面前出現，
原來成個荃灣除左東普陀d著名寺院外，
整個山林中有無數口既小寺堂小淨院，
小得只得一個兩個師姐打理都有，
但裡面就真蹟處處，
我直情變左劉姥姥，
成個小學生咁，
跟住小子老師拜候每間淨院，
淨苑d 師姐淨係聽到小子老師在門外叫：
「阿彌陀佛，師姐係唔係度呀？」，
入面d師姐就認出佢把聲，
係入面嗌出口黎：「你自己入去拜佛啦，我煮緊飯呀。」，
熟成咁，
問你服未？
後來小子老師仲話逢星期日就呢度去個度去拜佛，
佢話下次帶我去東涌，
唔怪得我叫佢去溫暖人間一日遊，
佢一口拒絕啦，
係佢眼中，
一日遊當然唔係佢個種啦。
佢帶我穿梭芙蓉山，
指點我睇好多內堂口既寶物，
最勁有日皇御賜伽娑，
千手古本拓印大條幅，
古典古藉，
跟住經過一道小徑口既蕉林，
佢就行入去，
我諗唔係急尿呀？
原來蕉葉林中有個露宿者，
小子老師一入去，
「阿彌陀佛，阿叔，我帶左個生果畀你。」，
就將頭先佛堂師姐送口既蘋果畀佢，
那個老伯仙風道骨，
一口國語：「你留著自己吃吧。」，
小子老師說，
這人分分鐘係高人，
初初同佢打招呼，
都有抗拒，
後來熟左至好d ,
跟住仲去左好多間精舍，
小子老師都滿載而歸，
左右手都是古藉經典。
佢話呢次係同我未去日本四國行八十八靈場前口既預習，
佢話心態上冇分別，
都係芙蓉山八十八靈場一日參姐，
我邊度仲敢出聲，
從小路一出來
抬頭一看，
已出到荃灣地鐵站綠楊新村，
又係另一個世界，
原來同七十一一樣，
愛麗絲口既兔洞，
梗有間係左近，
即使在繁華鬧市中，
都實有隱身其中。
跟住我徵求小子老師同意，
去同另一位老師食晏，
就係：老餅老師喇！！！
所謂兩師相遇，
必有野聽，
你話我係咪精甩尾呢？
又手快快寫了廣東話,下面補回白話版:
白話凌波微步星期天
早前苦纏宗教小子，
要他星期天陪我到香港一間儒釋道的「玄園學院」，
去參觀一個百年羅天大醮盛會，
他怕了老人家囉唆，
昨天一早陪我出發。
有了這本活宗教百科全書，
所有儒釋道的設壇都給我講解得一清二楚，
包括南北派別設壇方法及服飾，
究竟沿自何系傳承，
其間經歷甚麼的轉變，
執行法事儀軌中的道眾，
那個是真正修行人，
那一個是混雜湊數的「職業拜拜佬」，
都被他一眼看穿，
最精彩他還到各個壇場「盤問」，
搞到人家的守壇人啞口無言，
我說別太難為他們了，
上天好生之德嘛咪。
他就說明知舉行百年才一次的法會，
也不好好選擇看壇人的質素，
是十分不負責任的行為，
對非宗教的人來說，
給別人印象就由守門口將軍開始嘛！
我說這雖然是對，
但做人應有容人之量啊。
待他向我講完一大課「活動教學」堂後，
小子老師說我太不夠料子，
要繼續給我補一課，
于是帶我由道觀離開，
從大路轉入山旁小路，
另一個世界就在我面前出現！
原來整個老圍山除了一些如東普陀、
西方寺等著名寺院外，
在山林中還有無數的小寺堂和小精舍，
有些小得只有一個兩個師姐留守的也有，
但裡面就真蹟處處，
我即時變了劉姥姥，
像個小學生一樣，
跟著小子老師拜候每間淨院，
淨苑的師姐才聽到小子老師在門外叫一聲：
「阿彌陀佛，師姐在不在呀？」，
裡面的師姐就認出他的聲音，
從裡面回叫：
「你自己入去拜佛吧，我正忙著燒飯呀。」，
一聽就知和小子老師十分相熟。
後來小子老師告訴我，
他逢星期天就這處去那處去拜佛，
答應下次帶我去東涌，
難怪我叫他去溫暖人間一日遊，
他就一口拒絕啦，
在他眼中，
組圍一日遊寺團當然不是他那種形式啦。
我們就這樣穿梭芙蓉山中，
帶我去看一些寺中內堂的既寶物，
最貴重的甚至有日皇御賜伽娑，
千手古本拓印大條幅，
古典古藉等等。
途中經過一道小徑旁的蕉林，
他就走進去，
我猜他不是人有三急吧？
原來蕉葉林中有個露宿者，
小子老師一入去，
「阿彌陀佛，阿叔，我帶了個生果給你。」，
就將剛才佛堂師姐送我們的蘋果轉送給他，
那個老伯仙風道骨，
一口國語：「你留著自己吃吧。」，
小子老師說，
這人大有可能是個高人，
起初和他打招呼，
都有抗拒，
後來稍為熟絡才有兩句交流。
跟著繼續參訪了好多間精舍，
小子老師已滿載而歸，
左右手都是古藉經典。
他說這趟就當作與我去日本四國行八十八靈場參拜的預演，
他認為這在心態上分別不大，
這就是芙蓉山八十八靈場一日參嘛，
我聽了心內佩服。
最後從山內小路一出來
抬頭一看，
已抵達繁華鬧市中的荃灣地鐵站綠楊新村，
一步之差，
就是兩個世界，
原來同7-11一樣，
愛麗絲口既兔洞，
必有間在附近，
即使在繁華鬧市中，
都實有隱身其中。
我順勢徵求小子老師同意，
邀他去與另一位老師吃下午茶，
那就是：老餅老師喇！！！
所謂兩師相遇，
必有火花！！
我就可坐得漁人之利也，
哈哈哈！！
宗教小子是誰?請看早前的感恩一文:
http://www.inmediahk.net/public/article?item_id=261583&group_id=151
至於老餅,就請到他的blog去認識他: