根據蘋果日報報導，一個新的親中政黨正在大張旗鼓，吸收黨員：
-------------
上個月，有唔少中環朋友收到一份入會表格（後來知道係入黨），請佢哋填表入會（入黨）喎，主要發起人就係中國銀行總經理盧重興。盧總係中銀香港幾朝元老，嚟到和廣北呢個朝代，似乎佢嘅工作較為輕鬆，於是有時間去組織政黨，得閒就打電話邀請中環商界朋友入黨。
呢個黨原來叫做「全民黨」，去年十一月註冊成立，創黨成員名單最近曝光，一共八人，包括盧重興、樂鞏南（前港府民航處處長）、溫石麟（環保人士），梁美芬（城大法律學院副院長）、簡福貽（測量師╱大律師）、姚征、丁鵬雲、楊麟振（此三人冇乜人識）。
咁嘅陣容，坦白講，號召力就唔算好勁嘞，去中華總商會、民建聯、工聯會搵人入黨嘅成數就高啲，睇起上嚟，幾似係港進聯翻版。「全民黨」嘅政治傾向，都幾肯定與選委會八百名選委嘅意見相近，理念同黃宜弘、鄺志堅兩位議員相差不遠。
呢個全民黨話要代表中產階級聲音，在適當時候推舉黨員（或支持合適嘅黨外人士）去競選第三任行政長官喎。聽起嚟，好有志氣，梁振英應該會係佢哋認為合適嘅非黨員。
.............
你知啦，嬲盧少蘭搞「彎」領匯上市係一回事，與樂鞏南、簡福貽、梁美芬一齊搞政黨，又係另一回事，兩件冇正比例相關性。一位老友講：「全民黨」嘅中常委有封小平在內，一睇牌面就估到牌底，既有港進聯先例，好有機會「他朝君體也相同」。
蘋果日報
詳見