尋日,
李天命個網有個網友個仔生日,
大家一齊去燒野食開心下.
席上網友母親問我信佛有乜好處?
我答:「有得食囉。」,
她一定以為我講笑。
其實,
除左有得食,
信佛真係冇乜好處,
而且,
聽到有得食,
你都唔使咁開心住,
因為信佛之後,
即使有得食都只不過係「食自己」,
冇得食人地,
冇得食個佛,
菩薩?
更加唔使諗.
你未聽過泥菩薩過江咩?
所以,
基本上信佛真係冇乜好處,
如果你指嘅「好處」係一d現世嘅獎賞,
或者以為「信」左佛就有座靠山,
你就更加錯哂。
信佛嘅「信」,
同我信你喇嘅「信」好唔同,
後者係一種信任,
我信你唔會點我。
我信你會啺住我。
我信你係會幫我。
我信你會照住我。
我信佢會害我。
我信佢唔係正人君子。
我信佢會冇咁好死。
我信有世界末日。
呢種平日我地講嘅信,
全部都係信人地,
或者眼見為真,
腦想為真,
用思方幫你拆,
拆到冇哂破綻,
至信得過。
有哂把握,
有哂標準,
唔係一就係二,
唔係善就係惡,
唔係輸就係羸,
唔係快樂就係悲傷,
下下有根有據,
有得食住上。
不過,
真心說話,
信佛冇咁啫so,
因為信佛個「信」基本上係冇野可以畀你「食住上」,
要食,
就食自己,
你以後都唔使旨意埋度堆,
冇善惡你埋堆,
冇喜惡你埋堆,
冇美醜你埋堆,
冇順逆你埋堆,
冇輪迴同涅槃你埋堆,
你成世都只有靠自己!!
因為,
這裡有個天大的爛gap,
因為你就係佛!!
你信佛,
仲唔係信自己?
仲唔係食自己?
呢d叫做好信唔信?
唔係,
對於我地呢d信佛嘅契鉤,
信佛,
至真係有得「食」,
因為人地碟餸都當埋自己嘅,
照嚓一餐,
不過,
最好你有心理準備,
一冇左明確界線,
你碟餸人地都照食,
所以,
信佛真係冇乜「好處」,
但係又好有好處。
伯母,
真心說話。
至於李生以思方為用,
以神秘樂觀為空,
又可以食住人,
又可以自己煮下飯仔,
咁精叻,
所以信李生,
你個仔就真係醒好多喇。
