恐怖直播一
二零零五年四月十九日 晴 恐怖指數 4/5
今天是出號外的第一天，走咗去city同poly派。話說派派下，收到風話有人要報警拉我哋，但係之前無人approach試圖「警告」我哋，又無人打過比我呢個話曬都係出版負責人ｏ既人，只聞其聲而不見其人，一嚟就話報警，你都咪話唔恐怖。
派完嘢番歸，又收到風幹事會有人比人恐嚇，話學生會應該控制下我哋學生報云云，如果唔係就點點點喺學聯會議中玩謝佢，等佢做唔到人世。可能佢哋係會幾嬲ｏ既，比人話濫權噃，但係揾幹事會啲人有咩用呢？份號外有二個電話，寫到明可以分別打去我哋會室同直接揾我呢個負責人，但係點解無人打嚟？鬼影幢幢，我嚇到標尿了，諗唔到，你哋有諗頭嗎？