七笑上韶關（廿五）
原來條友見到人地兩個前台女服務生幾靚女，
即刻就high左T咁，
淫笑湧現：
「笑謝，
窩文屎從康揀賴得，
耳肩齋晚腥顛療彷.....」，
兩個靚女聽到X餅D「煲冬瓜」，
幾乎就嚇瓜咁滯，
不過，
佢地唔知已經係不幸中之大幸，
如果講「煲冬瓜」嘅係離奇，
就實瓜過番生，
即身輪迴架喇！
兩個靚女吞吞口水，
收腹提氣，
立刻唔俾佢再講落去：
「先生，
我地識講白話嘅。」，
「哦，
即係咁，
我地香港嚟嘅，
已經喺網上訂好左房，
兩間雙人，
一間雙人加床......」，
美腮子離遠睇見X餅個金魚佬樣就想嘔，
不過為左顧全大局，
費事佢亂嚟，
就同閒閒地講：
「你睇住離奇大佬，
我過去睇睇，
順手俾埋D身份証我去登記。」，
離奇問：
「姐姐，
做乜要查身份証？」，
美腮子冇佢咁好氣：
「有身份証至有飯食！」，
「哦，我都好肚餓。」，
「蜜糖兒，
變隻燒雞俾佢嗒吓，
我過去。」，
閒閒地立刻用迷幻大法，
帶左離奇入左迪士尼樂園，
同佢食左個米奇老鼠火雞餐，
離奇食到津津有味。
美腮子出馬，
一陣就搞定哂，
X餅仲依依不捨，
美腮子大聲：「玲姐！」，
X餅成個人彈起，
蛇頭鼠眼四圍昅，
「嚇鬼咩！」，
美腮子質張房嘅開門卡俾佢：
「各自上房放好哂行李，
十分鐘大堂集合。」。
(待續）
七笑上韶關（廿六）
上到樓，
離奇跟門卡嘅冧把搵左好耐至搵到間房，
正好高興覺得自己好叻仔嘅時候，
至發覺點解冇俾到鎖匙嘅？
咁點開門呀？
唔通張卡係八達通咁，
一拍就掂？
一定係咁！
於是離奇就搵張卡博命拍落個門耳個金屬板度，
但係嘟都唔嘟吓，
完全冇反應。
佢心諗，
如果而家搵人幫拖，
就一定俾X餅瘀死，
唔係啦，
一於撞門入去算喇！
心意而決，
佢就走到去走廊盡頭，
睇吓條助跑徑夠哂長喇！
就心中數一二三衝過去！！
喺同一時間，
其他三人已放抵行李落番大堂，
「妖，
嗰個老野整乜春呀，
唔係見到床就瞓著左吓話？」，
X餅一有位入，
點會放過離奇呀，
美腮子都費事啋佢，
不過心中都覺得有D唔妥，
就係嗰時，
酒店嘅警鐘忽然大嗚大放！！
收唔到聲！！
(待續）