七笑上韶關（十）
眼見軟過六點半棍嘅X餅突然一個鯉魚翻身，
喺佢夫人嘅手中全身拔起，
一睇就知係抄襲星爺喺功夫尾場，
如來神掌打個空翻直標虛空嗰個鏡頭，
起飛個吓真係係威係勢架，
點知佢唔記得左茶餐廳需要你當佢無邊，
但係係有限嘅，
成個天花板等住你斫埋去！
砰一聲，
各人視線由上而下，
就見X餅成個瞓係個地度！
「施主，
睇嚟你都大業小報，
我叫尊夫人賴左你滴馬尿，
就係費事你滴污糟人地嘅地板，
點知幫你避得一劫唔避得另一劫，
你又要搞人個天花，
點救得你咁多呀，
所謂若知前世因，
今生受者是;
若知來世果，
今生作者是。
呀！」
師父仔語頌深長，
X餅都唔知好嬲定好笑，
不過以佢Q版九一精神，
郁得番就生猛哂，
話知你一匹布咁九長，
一於耳邊風，
當下即忘，
冇野食就過去攞人地兩支頭抽飲，
搓餅玲搖頭苦笑，
完全以欣賞嘅眼光睇住愛郎，
見佢突然放下支頭抽，
兩眼圓睜：
「捨得番來啦！欄左去邊，成排人等你！」，
原來係龍公子入番嚟，
「咪去小解囉，商場間茅廁全院滿座，就要去火車站架啦，你地以為我去邊？」
龍公子攤攤手，
「唔知。總之而家夠哂鐘，執齊野出發！！」
美腮子一貫冷靜作風，
舉起隻右手中指，
大聲個咀冇郁嘅下令！！
(待續)
七笑上韶關 (十一)
各人手揹背囊揹背囊，
拉行李拉行李，
正式浩浩蕩蕩咁出發。
出左茶餐廳轉左行幾十步，
就有升降雞直落去韶關大巴個侯車處，
X餅一馬當先，
最緊要行先威先，
到車站度就大叫：
「排好排好，跟住人地隊尾，等我派飛！」，
「D飛係你度咩？」師父仔問。
「我幫你老人家吩咐佢地姐，騎騎．．．」，
師父仔都費事理佢，
個袋度左D飛派俾大家。
等左一陣，
架旅遊巴就到喇，
七人立刻將D行李車劈哂入車身行李箱入面，
只淨番隨身架生跟身上車，
一上到車，
各人就對號入座，
為左掩人耳目，
佢地七個人D位係坐散哂，
一車無話，
架車離開粉嶺冇耐，
就到左邊境過關站。
架車個師機大叫，
「你地唔洗D行李落車，
過左關坐番自己個位，
咪亂坐！！」，
X餅扯住離奇件衫條領：
「跟住呀，
一陣唔見九左你，
又入埋我數呀！」，
離奇就俾佢連拖帶扯，
入左邊境檢查站。
係過境個櫃前，
X餅遞張身份証俾阿SIR，
阿SIR例行動作，
睇個電腦，
忽然啤住X餅個衰樣，
眼露恐懼！
（待續）
2009-01-07 14:24:08 七笑上韶關 (十二)
「乜樹?阿蛇，你咪嚇我！」,
X餅作實心虛，
咩人望到好似見鬼咁，
雖然唔係頭一次，
不過個阿SIR眼光，
又實在令人內心起毛！
就好似見到舊好肉酸屎一樣！
「你．．．做乜整容整得咁難睇？」
「整容，我邊樹有整容呀？」
「咁你做乜左人張身份証過關呀？博拉呀！」
「？你講乜野，好能難明喎，阿SIR?」，
「你自己睇！」
X餅一睇自己張身份証，
都嚇左一跳，
點解張相係陳冠希？
(待績)